မဲခေါင်၊ ဒီဇင်ဘာ ၂၉
တရုတ်သမ္မတရှီကျင်းဖျင်ဟာ နိုင်ငံစစ်ရေးအာဏာအလုံးစုံ ထိန်းချုပ်နိုင်ရေး စီမံကိန်းချလုပ်ဆောင်နေရာမှာ ထိပ်တန်းစစ်ဘက်ဆိုင်ရာ အကြီးအကဲတွေကို ရာထူးကဖြုတ်ချမှုတွေဆက်တိုက်လုပ်နေပြီး အခုနောက်ဆုံး တရုတ်ကွန်မြူနစ်ပါတီလမ်းညွှန်မှုအောက်က တရုတ်နိုင်ငံအတိုင်ပင်ခံအဖွဲ့ဝင် တရုတ်ပြည်သူ့နိုင်ငံရေးအတိုင် ပင်ခံညီလာခံ (CPPCC) က ထိပ်တန်းခေါင်းဆောင် ၃ ဦးကို ရာထူးက ထပ်မံ ဖယ်ရှားခဲ့ပါတယ်။
ဖယ်ရှားလိုက်သူ ၃ ဦးက တရုတ်ပြမြောက်ပိုင်းစစ်လက်နက်ထုတ်လုပ်ရေးစက်မှုအဖွဲ့ ဥက္ကဌ လျူရှီကျန်း၊ တရုတ် အာကာသသိပ္ပံနဲ့ နည်းပညာကော်ပိုရေးရှင်းရဲ့ဥက္ကဌ ဝူယန်ဆန်းနဲ့ အမှုဆောင်ချုပ်ဝမ်ချန်းကင်တို့ဖြစ်ပါတယ်။
တရုတ်နိုင်ငံ စစ်ရေးနဲ့နိုင်ငံရေးခေါင်းဆောင်ပိုင်းတွေထဲမှာ အမေရိကန်နဲ့မဟာမိတ်အဖွဲ့ကို မျက်နှာချင်းဆိုင် ရင်ဆိုင်ပြီး ထိုင်ဝမ်ကိုကျူးကျော်သိမ်းပိုက်ခြင်းကနေ စစ်ဖြစ်မှာကို မလိုလားသူတွေတိုးပွားလာတဲ့အတွက် ရှီကျင်းဖျင်ဟာ သူ့မူဝါဒကို ဆန့်ကျင့်နိုင်မယ့် ခေါင်းဆောင်တွေကို ဖယ်ရှားပစ်ခဲ့တာဆိုရင် ဒီတစ်နှစ်တည်း အယောက် ၁၀၀ ကျော်ရှိခဲ့ပြီဖြစ်ပါတယ်။
အောက်တိုဘာလက ကာကွယ်ရေးဝန်ကြီး လူမြင်ကွင်းကနေ နှစ်လကြာပျောက်ဆုံးနေခဲ့အပြီး ကာကွယ်ရေးဝန် ကြီးအဖြစ်ရော၊ အစိုးရဝန်ကြီးအဖွဲ့ဝင်အဖြစ်ကပါ ထုတ်ပယ်ကြောင်း တရားဝင်ကြေညာခဲ့ပြီး Financial Times သတင်းဌာနက အကျင့်ပျက်ခြစားမှုအတွက် စုံစမ်းစစ်ဆေးနေတာဖြစ်တယ်လို့ သတင်းဖော်ပြခဲ့ပါတယ်။
ဇူလိုင် လကလည်း ရှီကျင်းဖျင်ဟာ နိုင်ငံခြားရေးဝန်ကြီးဖြစ်လာတဲ့ ချင်းဂန်းကို ပြန်လည်ထုတ်ပယ်ပြီး အရင် နိုင်ငံခြား ရေးဝန်ကြီးဟောင်း ဝမ်ယိကို ပြန်လည်တာဝန်ပေးအပ်ခဲ့ပါသေးတယ်။
အခုနောက်ဆုံးထုတ်ပယ်လိုက်တဲ့ မစ္စတာ လူ၊ ဝူ နဲ့ ဝမ်တို့ ၃ ယောက်ကိုမထုတ်ပယ်မီ လွန်ခဲ့တဲ့ ၆ လအတွင်း တရုတ်လွတ်မြောက်ရေးတပ်မတော် ဒုံးကျည် တပ်ဖွဲ့က ထိပ်တန်းအရာရှိများစွာလည်း လျှို့ဝှက်စွာ ပျောက်ဆုံးသွားမှုတွေဖြစ်ခဲ့ပါသေးတယ်။
တရုတ်လော်ဘီမီဒီယာ်တွေမှာတော့ အကျင့်ပျက်ခြစားမှုတိုက်ဖျက်ရေးစီမံကိန်းအရလို့ ခေါင်းစဉ်တပ်နေကြပေ မယ့် ကမ္ဘာ့နိုင်ငံရေးသုတေသီတွေကတော့ ရှီကျင်းဖျင်ဟာ သူ့နိုင်ငံရေးအာဏာ တည်မြဲရေးအတွက် အရေးပါတဲ့ စစ်ဘက်ကိုပါ ဗဟိုချုပ်ကိုင်နိုင်စွမ်းရရှိပြီး နောက်ဆယ်စုနှစ်ပေါင်းအတော်ကြားတရုတ်ပြည်ကို အုပ်ချုပ်နိုင်ဖို့ စနစ်တကျ စီမံနေတာလို့ သုံးသပ်နေကြပါတယ်။
Ref: ft
MKF-001
#MeKongNews
#တရုတ်
#စစ်တပ်
#ခေါင်းဆောင်
#ရှီကျင်းဖျင်
#ဖယ်ရှား
