မဲခေါင်၊ မေ ၉
ကချင်ပြည်နယ်၊ မြစ်ကြီးနား အဝင်က ဗလမင်းထင်တံတားထိပ်မှာ ဒီနေ့ မေ ၉ ရက် မွန်းလွဲ ၂ နာရီခန့်ကစပြီး လက်ရှိ သတင်းရေးသား နေချိန်ထိ တိုက်ပွဲ ပြင်းထန်နေတယ်လို့ ဒေသခံတွေ ဆီက သိရပါတယ်။
“ မြစ်ကြီးနား အဝင် ဗလ မင်းထင် တံတားထိပ်မှာ ပစ်နေတာ ဝိုင်းမော် ဘက်ခြမ်းကနေ။ အခု တိုက်ပွဲ ဖြစ်နေတာ။” လို့ ဒေသခံ အမျိုးသား တစ်ဦးက ပြောပါတယ်။
မြစ်ကြီးနားဘက်ခြမ်းကနေ အဲဒီ တံတားထိပ်ဘက်နား လက်နက် ပစ်ခတ်တွေလည်း ကြားနေရပြီး မီးခိုး တလူလူ ဖြစ်နေတာ လှမ်း မြင်နေရတယ်လို့ ဆိုပါတယ်။
“ အဲဒီ ဗလ မင်းထင် တံတားထိပ်၊ နောင်းခင်း တက်သွားတဲ့ လမ်းခွဲမှာ တိုက်ပွဲ ဖြစ်နေတာ။” လိူ့ နောက်ထပ် ဒေသခံ တစ်ဦးက ပြောပါတယ်။
လက်နက်ကြီး ကျချိန်တော့ မီးမလောင်ပဲ တော်တော် ကြာမှ မီးခိုးတွေ ထွက်လာတာကြောင့် မီးရှို့လိုက်တာလား၊ စစ်ကောင်စီတွေ ထွက်ပြေးသွားတာလား ဆိုတာတော့ မသိရဘူးလို့ သူက ပြောပါတယ်။
ဒီရက်ပိုင်းအတွင်း ဝိုင်းမော်မြို့နယ်က စစ်ကောင်စီစခန်းအကြီး အသေး ၁၀ နေရာ ထက်မနည်းကို KIA ပူးပေါင်း တော်လှန်ရေး တပ်ဖွဲ့ တွေက သိမ်းပိုက်ထားတာ ဖြစ်ပါတယ်။
CJ-008
