မဲခေါင်၊ ဧပြီ ၂၉
ဝန်ကြီးနေရာ ၆ ခုကို ဖွေထိုင်းမဟာမိတ်အဖွဲ့က ၄ ယောက်၊ တော်ဝင်မျိုးရိုးထောက်ခံပါတီဝင် ၂ ယောက်ပဲရ ထိုင်းနိုင်ငံ အစိုးရအဖွဲ့ ပြန်လည်ပြင်ဆင်ဖွဲ့စည်းခြင်းမှာ နာမည်ကောင်းရနေတဲ့ ပန်ပရီးကို ဒုဝန်ကြီးချုပ်ရာထူးက ဖယ်ရှားပြီးနောက် ပူးတွဲရယူထားတဲ့ နိုင်ငံခြားရေးဝန်ကြီးတာဝန်ကပါ နုတ်ထွက်စာတင် ထွက်ခွာသွားခြင်း အတွက် အစိုးရသစ်ပြန်လည်ဖွဲ့စည်းတဲ့ တာဝန်ရှိသူ ဝန်ကြီးချုပ် ဆရတ်သာ သာဗီဆင်က တောင်းပန်စကား ပြောသွားခဲ့ပါတယ်။
ပန်ပရီးဟာ မြ၀တီ အမှတ် (၂) ချစ်ကြည်ရေးတံတား တိုက်ပွဲအတွင်း မဲဆောက်ကို တစ်ကြိမ်မက ကိုယ်တိုင် လာရောက်ခဲ့သူဖြစ်ကာ ရာထူးတာဝန်ကာလအတွင်း အများလက်ခံနိုင်ခဲ့တဲ့ လုပ်ဆောင်ချက်ကောင်းတွေကို လုပ်ကိုင်နိုင်သူဖြစ်ခဲ့ပါတယ်။
ဒါပေမဲ့ Move Forward ပါတီ မဲအများဆုံးနိုင်ပြီး ဝန်ကြီးချုပ်လျှောက်ထားမှု မအောင်မြင်သလို အစိုးရဖွဲ့ခွင့်လည်းမရဖြစ်ခဲ့ပြီးနောက် ဒုတိယမဲအများဆုံးရရှိတဲ့ သက်ဆင်မျိုးဆက်ရဲ့ ဖွေထိုင်း ပါတီက သူတို့လူ ဆရတ်သာကို ဝန်ကြီးချုပ်တင်မြှောက်ပြီး တော်ဝင်မိသားစုထောက်ခံ စစ်ဘက်ပူးပေါင်း ပါတီတွေနဲ့ မဟာမိတ်ဖွဲ့ပြီး အစိုးရသစ်တစ်ရပ် ထူထောင်ခဲ့တာဖြစ်ပါတယ်။
ဒီလိုအစိုးရသစ်ဖွဲ့အပြီး ၅ လသာကြာသေးချိန်မှာ နိုင်ငံစီးပွားရေး၊ နိုင်ငံတကာအရေး၊ ပြည်တွင်း ကွဲပြားပါတီများ သဘောထားတင်မာမှု ပျောပြောင်းသင့်တင့်လာရေးဆိုတဲ့ ရည်ရွယ်ချက်တွေနဲ့ ဝန်ကြီးရာထူးထွေကို ပြန်လည် ပြင်ဆင်ဖွဲ့စည်းခဲ့ရာမှာ နာမည်ကောင်းရနေတဲ့ ပန်ပရီး ရာထူးနှစ်ခုစလုံး စွန့်လွှတ်လိုက်ရတာဖြစ်ပါတယ်။
ဒါကြောင့် ဧပြီ ၂၉ ရက်နေ့ အစိုးရဝန်ကြီးရုံးမှာ ဝန်ကြီးသစ်တွေ မကြေညာခင် ဆရတ်သာက သတင်းရှာရှင်းလင်း ပွဲ အင်တာဗျူးလက်ခံခဲ့ပြီးနောက် ပန်ပရီးကို တောင်းပန်စကား ဦးစွာပြောသွားခဲ့ပါတယ်။
“ကျွန်တော်တို့ နိုင်ငံက မတူညီတဲ့ နိုင်ငံဖွဲ့စည်းပုံ မူဝါဒရှိတယ်။ ဒုဝန်ကြီးချုပ် ၂ ယောက်မက ရှိတတ်တာမျိုး။ ဝန်ကြီး ၂ နေရာ ပူးတွဲတာဝန်ယူတာမျိုးတွေပါ။ အစိုးရသစ် စတင်ဖွဲ့စည်းပြီးနောက် အားနည်းချက်ရှိတဲ့ ဝန်ကြီးတွေလို့မပြောနိုင်ဘဲ ပိုကောင်းအောင် စွမ်းဆောင်နိုင်မယ့် ဝန်ကြီးတွေကို အစားထိုးလဲလှယ်မှုတွေ လုပ်ဆောင်ရတာမို့ တကယ်ပိုကောင်းလာမယ်ဆိုတာ အချိန်ပေးစောင့်ကြည့်နိုင်ပါတယ်။ ပန်ပရီးဟာ နိုင်ငံရေး လောကမှာ ကျေနပ်စရာ စွမ်းဆောင်နိုင်သူဖြစ်တဲ့အပြင် မိသားစုချင်းအရမ်းလည်း ခင်မင်ကြတယ်။ သားသမီး ချင်းတွေကလည်း တကယ့် သူငယ်ချင်းတွေပါ။ ဒါကြောင့် သူ့ဆုံးဖြတ်ချက်နဲ့ နုတ်ထွက်စာတင်သွားတာကို လေးစားပေးရမှာဖြစ်တယ်။ ဒုဝန်ကြီးချုပ်ရာထူးက ဖယ်ရှားပေးလိုက်ရမှုမှာ ပုဂ္ဂိုလ်ရေးမကျေနပ်မှု လုံး၀မရှိပါဘူး။ ခင်မင်ဆဲဖြစ်ကြတယ်။ သူ့နေရာမှာ ဘုရင်မင်းမြတ်က တင်သွင်းထားတဲ့ ဒုဝန်ကြီးချုပ်သစ်ကို အတည်မပြုမချင်း တော့ ကျော်ပြီး ပြောဖို့ခက်ပါတယ်။ ပန်ပရီးကိုလည်း ဒီနေရာက တောင်းပန်ပါတယ်” လို့ ပြောကြားသွားပါတယ်။
အစိုးရဝန်ကြီးအဖွဲ့ဝင်သစ် ၆ ဦးကို နောက်ပိုင်း ဆက်လက်ကြေညာရာမှာတော့ ဖွေထိုင်းပါတီနဲ့မဟာမိတ် ပူးပေါင်းအဖွဲ့ထဲက ၄ ဦးနဲ့ တော်ဝင် မိသားစုထောက်ခံ စစ်ဘက်ဆိုင်ရာပါတီက ခေါင်းဆောင် ၂ ဦးသာ ရွေးချယ်ခံလိုက်ရပါတယ်။
အရေးပါတဲ့ ဘဏ္ဍာရေးဝန်ကြီးနေရာကို ဒုတိယဝန်ကြီးချုပ်ရာထူးလည်း ရထားသူ ဖိချိုင်းချန်ဟာဗာရီယာက ရရှိသွားပြီး ဘဏ္ဍာရေးဒုဝန်ကြီးအဖြစ်ပါအိုပေါင် ရိုဂျနာဆက်ကယ်၊ ဝန်ကြီးချုပ်ရုံး ဝန်ကြီး အဖြစ် ဖိချစ်ချူအန်ဘန်းနဲ့ ဂျီရာပေါင်ဆင်သူပရိုင်တို့က ရရှိကာ အတာကွန်းက စိုက်ပျိုးရေးဒုဝန်ကြီး၊ ဆူချက်ချွန်ကလင်က စီးပွားကူးဝန်း ဒုဝန်ကြီးနေရာတွေရရှိသွားပါတယ်။
ပို့ဆောင်ဆက် သွယ်ရေးဝန်ကြီးလည်းဖြစ်တဲ့ ဆူရီယာဂျန်ဂရွန်ဂရူယန်းကစ်ဟာ ပန်ပရီးရဲ့ ဒုဝန်ကြီးချုပ်နေရာကိုပါ ဖိချိုင်ချန်ဟာဗာရီယာနဲ့ပူးတွဲ တာဝန်ထမ်းဆောင်သွားမှာဖြစ်ပါတယ်။
Ref: straitstimes
MKF-001