မဲခေါင်၊ ဧပြီ ၃၀
အိန္ဒိယ-မြန်မာနယ်စပ် နာဂလန်းအနီး မွန်စီရင်စုမှာ လက်နက်ခဲယမ်းအမြောက် အများသိုလှောင်ထားရှိမှုကို အာသံရိုင်ဖယ်တပ်က ဧပြီ ၂၉ ရက်မှာ သတင်းအရ ရှာဖွေဖော်ထုတ် ဖမ်းဆီးသွားခဲ့တယ်လို့ သိရပါတယ်။
ဆက်စပ် သူ ၁ ဦးကို ဖမ်းမိခဲ့ကြောင်းသာ အိန္ဒိယဘက်က ထုတ်ပြန်ပြီး ဘယ်အဖွဲ့အစည်းက ဖြစ်တယ်ဆိုတာ ထုတ်ဖော် ပြောဆိုခြင်းမရှိခဲ့ပါဘူး။
ဖမ်းဆီးရမိတဲ့ပစ္စည်းတွေကတော့ ၈၁ မမ စိန်ပြောင်း ၁၁ ခု၊ ပစ္စတို ၁၁ ၁၀ လက်၊ ရေဒီယိုဆက်သွယ်ရေး လက်ကိုင်စက် ၁၉၈ လုံး၊ ဂြိုဟ်တုဖုန်း ၁ လုံး၊ ခဲယမ်း၊ ကန်ဘိုဆိုင်ကယ်တစ်စီးနဲ့ ဘိုလာရိုကားတစ်စီးတို့ ပါဝင်တယ်လို့ ထုတ်ပြန်ပါတယ်။
နာဂလန်းဒေသမှာ လူမျိုးစုချင်း အကြမ်းဖက်သတ်ဖြတ်မှုတွေမကြာခဏ ကြုံနေရလို့ အိန္ဒိယနိုင်ငံကို ပုန်ကန်တဲ့ အင်အားစုလည်း ရှိနေလို့ အာသံရိုင်ဖယ်တပ်ကို နယ်မြေတည်ငြိမ်ရေးနဲ့ လက်နက်မှောင်ခိုမှုတွေ၊ မူးယစ်မှောင်ခိုမှုတွေအတွက် အိန္ဒိယအစိုးရက တာဝန်ပေး ထားတာဖြစ်ပြီး သိမ်းဆည်းရမိတာတွေကို နာဂလန်းရဲတပ်ဖွဲ့ဆီ လွှဲပြောင်းအပ်နှံလိုက်ပါတယ်။
Ref: indiatoday
MKF-001
