မဲခေါင်၊ ဧပြီ ၂၄
အိန္ဒိယနိုင်ငံ ဘန်ဂလူရူပြည်နယ်က ကမ်ပီဂေါ်ဒါ လေဆိပ်မှာ အကောက်ခွန်အရာရှိတွေက အဝါရောင် အန်နာကွန်ဒါ မြွေ ၁၀ ကောင်ကို ခရီးသွားအိတ်ထဲ ထည့်သယ်ဆောင်လာတဲ့ အမျိုးသားတစ်ဦး ဖမ်းဆီးရမိခဲ့ ကြောင်း X (ယခင် တွစ်တာ) လူမှုကွန်ရက်မှာ ရေးသား ထုတ်ပြန်သွားပါတယ်။
အဝါရောင် အန်နာကွန်ဒါမြွေတွေဟာ ရေချိုမြစ်ရေနားမှာ ရှင်သန်နေထိုင်တတ်ကြပြီး ဒီမြွေမျိုးစိတ်တွေိကို ပါရာဂွေး၊ ဘိုလီးဗီးယား၊ ဘရာဇီး၊ အာဂျင်တီးနားနဲ့ ဥရုဂွေးနိုင်ငံမြောက်ပိုင်းဒေသတွေမှာ တွေ့ရများပါ တယ်။
အိန္ဒိယနိုင်ငံဟာ နိုင်ငံတကာ အန္တရာယ်မပေးနိုင်သော တောရိုင်းတိရစ္ဆာန်များ ကုန်သွယ်မှုဆန့်ကျင်ရေး (CITES) မှာ လက်မှတ်ထိုးထားတဲ့ နိုင်ငံဖြစ်လို့ ဘန်ကောက်လေဆိပ်ကနေ မြွေတွေ ခိုးသယ်လာတဲ့အမျိုးသားကို တောရိုင်း တိရစ္ဆာန်မှောင်ခိုကူးမှုနဲ့ စွဲချက်တင်ဖို့ ဆက်လက် စစ်ဆေးမှုတွေလုပ်နေခဲ့ပါတယ်။
မနှစ်ကလည်း ဘန်ဂလူရူလေဆိပ်မှာ သားရိုင်းတိရစ္ဆာန်ပေါင်း ၂၃၄ ကောက်ကို ဖမ်းဆီး ကယ်ဆယ်နိုင်ခဲ့ပြီး ဒီထဲမှာ ဘန်ကောက်ကနေ ခိုးသယ်လာတဲ့ သားပိုက်ကောင်ပေါက်ကလေးတစ်ကောင်ဟာလည်း ပလတ်စတစ် သေတ္တာထဲ အသက်ရှုကြပ်လျက် သေဆုံးနေတာ ပါဝင်ခဲ့ပါတယ်။
ဖမ်းဆီးရမိတဲ့ တိရစ္ဆာန်တွေထဲမှာ စပါးအုံးမြွေ၊ ပုတ်သင်ညို၊ iguana ပုတ်သင်နဲ့ လိပ်တွေ ပါဝင်ခဲ့ပါတယ်။
Ref: indiatoday
MKF-001
