မဲခေါင် မေ ၄
ကလောမြို့နယ်တွင်း ဌာနဆိုင်ရာ အသီးသီးက ရာထူးကြီးပိုင်း ဝန်ထမ်းတွေဟာ အောက်ခြေဝန်ထမ်းတွေကို အသိမပေးဘဲ စစ်ကောင်စီကို စစ်မှုထမ်းစာရင်း ပေးထားတာကြောင့် အမျိုးသားဝန်ထမ်းတွေ တိမ်းရှောင်နေတယ် ဌာနဆိုင်ရာနဲ့ နီးစပ်သူတွေဆီက သိရပါတယ်။
“စာရင်းကတော့ အားလုံး ရောက်သွားပြီ။ ဆင့်ခေါ်စာကတော့ တချို့ပဲ ရောက်သေးတာပေါ့နော်။ တချို့ကလည်း ကြိုရှောင်ကြတယ်ပေါ့နော်။ ထွက်စာအပြီးတင်တာတော့ မဟုတ်ဘူး။ လူမှုရေးကိစ္စ ရှိသလိုလို ဘာလိုလိုနဲ့ ခွင့်ရက်ရှည် ယူထားကြတာ” လို့ စစ်မှုထမ်း အကြုံးဝင် Non-CDM ဝန်ထမ်းနဲ့ နီးစပ်သူ တစ်ဦးကပြောပါတယ်။
ပညာရှင်တွေကို စစ်တိုကရန်မဟုတ်ဘဲ ကျွမ်းကျင်ရာ ပညာအလိုက် တာဝန်ပေးမယ်လို့ ဆိုထားပေမယ့် အားလုံးက ကြောက်လန့်ပြီး ရှောင်ကြကြောင်းနဲ့ အပြန်အလှန် တိုင်ကြားမှုတွေလည်း ရှိနေတယ်လို့ သိရပါတယ်။
စစ်မှုထမ်း ဥပဒေမှာ သာမန်လူတွေကို အသက် ၁၈ ကနေ ၃၅ အထိသာ သတ်မှတ်ထားပေမယ့် ဘွဲ့ရပညာရှင်အဆင့်တွေအတွက် အသက် ၄၅ နှစ်အထိ အကြုံးဝင်တယ်လို့ စစ်ကောင်စီက ပြဌာန်းထားတာကြောင့် Non-CDM ဝန်ထမ်းတွေ အနေနဲ့ စိုးရိမ်ပူပန်မှုတွေ ရှိနေပါတယ်။
စစ်မှုထမ်းပါဝင်တဲ့ Non-CDM ဝန်ထမ်းတွေကို ဌာနဆိုင်ရာ အလုပ်တာဝန် ယာယီလွှဲပြောင်းပြီး နိုင်ငံတာဝန် ထမ်းဆောင်တယ်လို့ သတ်မှတ်တဲ့အပြင် စစ်မှုထမ်းပြန်ရောက်လာတဲ့အချိန်မှာလည်း အရင်လစာနဲ့ ရာထူးနေရာ ပြန်လည်ပေးအပ်ရုံတင်ကဘဲ စစ်ဘက်ဆိုင်ရင်လစကိုပါ နောက်ထပ် ပေးအပ်မယ်လို့ စစ်ကောင်စီက မက်လုံးပေး ထုတ်ပြန်ထားပါတယ်။
MK-014
