မဲခေါင်၊ ဧပြီ ၁၉
ဧပြီ ၁၁ ရက်နေ့က ချင်းမိုင်မြို့လယ်ကောင် အိမ်ခြံမြေလုပ်ငန်းရှင်တစ်ဦးရဲ့ ကွန်ဒိုတိုက်ခန်းကို ဖောက်ထွင်းပြီး ဘတ် ၇၆ သန်းဖိုး ခိုးယူခံလိုက်ရမှုအတွက် ထိုင်းရဲတပ်ဖွဲ့ဟာ အပူတပြင်း စုံစမ်းရှာဖွေဖော်ထုတ်ရာက တရားခံ ၂ ယောက်ကို ဧပြီ ၁၈ ရက်ညမှာ ခိုးရာပါပစ္စည်းတွေနဲ့အတူ ဖမ်းဆီးရမိခဲ့ပြီဖြစ်ပါတယ်။
၃၉ နှစ်အရွယ် မစ္စတာဖူဒစ်နဲ့ ၄၅ နှစ်အရွယ် အဒီဆက်ဆိုသူအမျိုးသား ၂ ယောက်ဟာ တရားခံတွေဖြစ်ပြီး သူတို့ နေထိုင်တဲ့ ချင်းမိုင်က တိုက်ခန်းကို ဝင်ရောက်ရှာဖွေရာမှာ ခိုးယူသွားတဲ့ ငွေသား ဘတ် ၃၇ သန်းထဲက ဘတ် ၃ သိန်းသာ သုံးစွဲထားပြီး ပြန်လည်ရရှိခဲ့ကြောင်းနဲ့ ရွှေဘုရားဆင်းတု၊ လက်ဝတ်ရတနာနဲ့တန်ဖိုးကြီးအရာတွေကို လည်း ပြန်လည်သိမ်းဆည်းရမိခဲ့ကြောင်း၊ ငွေသားနဲ့ လက်ဝတ်ရတနာတွေအားလုံးပေါင်းတန်ကြေးဟာ ဘတ် ၇၆ သန်းဖိုးရှိတယ်လို့ ထိုင်းရဲတပ်ဖွဲ့က အတည်ပြုထုတ်ပြန်သွားပါတယ်။
အကြီးမားဆုံး ဖောက်ထွင်းခိုးယူမှုဖြစ်လို့ ထိုင်းတော်ဝင်ရဲတပ်ဖွဲ့နဲ့ သက်ဆိုင်ရာတာဝန်ရှိသူတွေ စီမံကိန်းချမှတ်ပြီး စီစီတီဗီမှတ်တမ်း၊ မျက်မြင်သက်သေနဲ့ လက်ဗွေတွေကို သေချာစစ်ဆေးအပြီးမှာ တရားခံကို သိရှိပြီး နေအိမ်တွေကို ဝင်ရောက်စီးနင်းရှာဖွေရာက အသုံးပြုခဲ့တဲ့ဘတ် ၃ သိန်းမှ အပကျန် ငွေသားနဲ့ ပစ္စည်းတွေကို ပြန်လည် ရရှိခဲ့တယ်လို့ ချင်းမိုင် ခရိုင်ရဲမှူးက မီဒီယာတွေနဲ့တွေ့ဆုံ အသိပေးသွားခဲ့ပါတယ်။
Ref:The Sun
MKF-001