မဲခေါင်၊ ဧပြီ
ဧပြီ ၁၈ ရက်နေ့က အာဆီယံနိုင်ငံခြားရေးဝန်ကြီးများအဖွဲ့က မြ၀တီမြို့အပါ မြန်မာနိုင်ငံမှာဖြစ်ပေါ်နေတဲ့ အကြမ်းဖက်တိုက်ခိုက်မှုတွေကြောင့် လွန်စွာ စိုးရိမ်ပူပန်ကြောင်းနဲ့ သက်ဆိုင်တဲ့ အဖွဲ့အားလုံး အပစ်အခတ်ရပ်စဲ ပြီး ဆွေးနွေးအဖြေရှာဖို့တိုက်တွန်းချက် ထုတ်ပြန်ခဲ့ပါတယ်။
ဒီထုတ်ပြန်ချက်အပေါ် အာဆီယံအဖွဲ့အစည်းကြီးဟာ အကြမ်းဖက် ဗီလိန်ကို ဒရာမာရုပ်ရှင်ဆန်ဆန် သေပြီထင်ပြီး မသေပဲ ပြန်ပေါ်လာအောင် ကယ်တင်ပေးနေတဲ့အဖွဲ့ကြီးသာဖြစ်တယ်လို့ ကန်ဝီးဆူးအက်ဘ်ဆန်က ပြင်းပြင်းထန်ထန် ဝေဖန်သွားခဲ့ပါတယ်။
ကန်ဝီးဆူးအက်ဘ်ဆန်ဟာ ထိုင်းအတိုက်အခံပါတီလည်းဖြစ် ဖိထာရဲ့ Move Forward ပါတီနဲ့ အရင်ဆုံး မဟာမိတ်ဖွဲ့ပြီး လက်ရှိထိုင်းကွန်ဆာဗေးတစ်ပါတီဝင်တွေကို အတိုက်အခံပြုတဲ့အမတ်အဖြစ် လွှတ်တော် အမတ်လုပ်နေတဲ့ Pentham Party ခေါ် Fair ပါတီခေါင်းဆောင်လည်း ဖြစ်ပါတယ်။
မြဝတီမြို့က စစ်ကောင်စီတပ်သား ၂၀၀ ခန့် ထိုင်း-မြန်မာချစ်ကြည်ရေးတံတားအနီး ခိုလှုံနေတုန်းကလည်း ကန်ဝီးဟာ မဲဆောင်ဘက်ကနေ ချစ်ကြည်ရေးတံတားပေါ် လာရောက်ကြည့်ခဲ့သူလည်း ဖြစ်ပါတယ်။
ကန်ဝီးက အာဆီယံ ဘုံသဘောတူ ညီချက် ၅ ရပ်ဟာ နှေးကွေးပေမယ့် မှန်ကန်တဲ့နည်းလမ်းဖြစ်တယ်လို့ အရင်က ကိုယ်တိုင်ယုံကြည်လက်ခံခဲ့သူ ဖြစ်ပါတယ်။
ဒါပေမဲ့ ဒီကနေကရင်ပြည်နယ် မြ၀တီမြို့၊ ရခိုင်ဒေသအပါ တစ်နိုင်ငံလုံးမှာ လမ်းပေါ် အလောင်းတွေ ပျံ့ကျဲနေတဲ့အထိ အကြမ်းဖက်မှုတွေရှိနေလို့ ပြည်သူတွေ ကယ်ပါယူပါတောင်းပန်နေရမှုအပေါ် မျက်ကွယ်ပြုနေ တာသာဖြစ်တယ်လို့ ပြင်းပြင်းထန်ထန် ဝေဖန်သွားပါတယ်။
“နိုင်ငံတကာ အသိုင်းအဝိုင်းက ၂၀၂၁ ခုနှစ်ကတည်းက အာဏာသိမ်းပြီး အကြမ်းဖက်မှုတွေဖြစ်ပေါ်နေတဲ့ မြန်မာနိုင်ငံအရေးအကြောင်း သိဖို့ အာဆီယံဆီက ထုတ်ပြန်ချက်တွေကို စောင့်နေကြတာ ဒီနေ့အထိပဲ။ အခု ဧပြီ လလယ်မှာ အာဆီယံက ထုတ်ပြန်လိုက်တဲ့ လွန်စွာစိုးရိမ်မိပါသည်ဆိုတဲ့ စာဟာ ခင်ဗျားတို့ထောက်ခံတဲ့အဖွဲ့ ကျဆုံးသွားမှာကို စိုးရိမ်တာမျိုးလို့ပဲ မြင်စရာရှိတယ်”
“ဒရာမာရုပ်ရှင်တွေထဲမှာလိုပဲ။ အားလုံး အသေအကြေ တိုက်ခိုက်ကြလို့ ပြီးသွားမှ ဟီရိုးလုပ်သူတွေ ထွက်လာတာမျိုး။ ဒရာမာဇာတ်ကားကိုဆက်ဖို့ သေဆုံးနေပြီးသား ဗီလိန်ကို ပြန်ကယ်တင် လိုက်တဲ့ ဇာတ်မျိုးတွေပဲ။ ကျွန်တော်လည်း အာဆီယံဆိုတာ ဒေသတွေပေါင်းစည်းထား တဲ့ အသိုင်းအဝိုင်းဖြစ်လို့ ထိုင်းကလည်း မြန်မာအရေးမှာ အရေးပါတဲ့ အခန်းကဏ္ဍက ပါတာသိတယ်”
“အားလုံးက အာဆီယံ လုပ်ရပ်တွေဟာ နှေးတယ်လို့ ပြောကြတယ်။ နှေးတာမှ ဆိုက်ကားလိုကို နှေးတာ။ ကျွန်တော်ကိုယ်တိုင် လည်း နှေးပေမယ့် သေချာစေတဲ့ နည်းလမ်းလို့ ယုံခဲ့တယ်။ အခု ကောလဟလတွေကြားမှာ ကျွန်တော်ကိုယ်တိုင် ခုန်တက်ပြီးပြောရတော့မှာက အာဆီယံဟာ တကယ်ကို နှေးတာ၊ တကယ်ကို သေချာတာဆိုတဲ့အမြင်ပြောင်းလဲ သွားမှုပဲ။ အာဆီယံဒေသမှာ နိုင်ငံအစိုးရအချင်းချင်းပဲ စကားပြောတဲ့မူသုံးတယ်”
“အကုန်လုံးနီးပါးက ရှေးရိုးစွဲ ဖိနှိပ်ချုပ်ခြယ်မှုတွေနဲ့ပဲ အုပ်ချုပ်ကြတော့ တစ်ဖက်အစိုးရအဟုတ်တဲ့ အဖွဲ့အစည်းတွေနဲ့ စကားပြောရမှာ ကြောက်ကြတယ်။ ဒိတ်အောက်နေတဲ့ သုံးပြည်ထောင် သံတမန်နည်းလမ်းကိုပဲ အကျိုးအချီးအနှီးဖြစ်နေတဲ့ အနေ အထားမှာ သုံးစွဲနေကြတုန်းပဲ။ “
အာဆီယံ နိုင်ငံခြားရေးဝန်ကြီးတွေ နိုးထသင့်ပြီ။ အားလုံးက ဘယ်အဖွဲ့အစည်း ဘက်ကိုမှ ရှုံးချခြင်းမလုပ်သင့်ပေမယ့် လူတွေအများကြီးသတ်ခဲ့တဲ့သူတွေဟာ သူတို့အပြစ်အတွက် တာဝန်ယူကို ယူရပါလိမ့်မယ်။ မေ့ဖျောက်ပစ်၊ ဖုံးကွယ်ပစ်လို့ မရပါဘူး။ အာဆီယံ ဘုံသဘောတူညီချက် ၅ ရက်က ၃ နှစ်ပြည့်လဲ ဘာမှမဖြစ်လာသေးတာကို အားစိုက် တိုက်တွန်းနေပါတယ်ဆိုတာ ထပ်ပြောဖို့ မလိုတော့ဘူး” လို့ ထိုင်း The Reporters မီဒီယာမှ ပြင်းပြင်းထန်ထန်ဝေဖန်ပြောကြားသွားပါတယ်။
Ref:The Reporters
MKF-001