မဲခေါင်၊ အောက်တိုဘာ ၂၈

အောက်တိုဘာ ၂၇ ရက်နေ့မှာပဲ လက်ရှိထိုင်းအာဏာရပါတီ ဖွေထိုင်းဟာ ပါတီခေါင်းဆောင်နေရာအတွက် မဲပေး ရွေးချယ်မှုကို ပြုလုပ်ခဲ့ရာမှာ ဝန်ကြီးချုပ်ဟောင်း သက်ဆင်ရဲ့ သမီးအငယ်ဆုံး အန်အင်း ခေါ် ပေထောင်တန်ကို သာ မဲပေးရွေးချယ်ခဲ့ကြပါတယ်။

ဒီရွေးချယ်မှုမတိုင်ခင် သက်ဆင်မိသားစု ခေါင်းဆောင်ရွေးချယ်မှုကို အရင်လုပ် ခဲ့ရာမှာလည်း ပေထောင်တန်သာ ဆက်ခံခွင့်ရပြီး မေလ ထိုင်းရွေးကောက်ပွဲမှာ မဲအများဆုံးအနိုင်ရပါတီမဟုတ်ခဲ့ ပေမယ့် သူမ အစီအမံတွေကြောင့် မဟာမိတ်ပါတီတွေဖွဲ့ပြီး အစိုးရဖွဲ့နိုင်ခဲ့လို့ အားလုံးက မိသားစုခေါင်းဆောင်၊ ပါတီခေါင်းဆောင်နေရာကို ရွေးချယ်တင်မြှောက်လိုက်တာ ဖြစ်ပါတယ်။
ဒါကြောင့် ပေထောင်တန်က သူမကို ခေါင်းဆောင်အဖြစ် တင်မြှောက်ပေမယ့် ပါတီအဖွဲ့ဝင်တွေရဲ့ ဆန္ဒ၊ ပြည်သူ တွေရဲ့ နိုင်ငံရေးခံယူချက်တွေပြည့်၀စေဖို့ ပိုမိုတာဝန်ထမ်းရွက်မှာဖြစ်ပါတယ်။

ဖခင် သက်ဆင်ဟာ သူမရဲ့ နိုင်ငံရေး ခံယူချက်မှာ စံပြဖြစ်လို့ မိသားစုခေါင်းဆောင်ဖြစ်ခွင့်ရတာကိုလည်း ဂုဏ်ယူမဆုံးကြောင်း၊ ထိုင်းနိုင်ငံရေး ခရီးလမ်းကိုလျှောက်ကြမယ့် ပြည်သူအားလုံးအတွက် ကြိုးစားပေးသွားမှာဖြစ်တယ်လို့ ပြောကြားသွားပါတယ်။

ဒီအခမ်းအနားကို ထိုင်းပြန်လာပြီး ထောင်ဒဏ်ကျနေပေမယ့် ဆေးရုံပေါ်မှာ နေရတဲ့ ဖခင်သက်ဆင်၊ ဖွေထိုင်းပါတီ က ဝန်ကြီးချုပ်အဖြစ် အဆိုပြုတင်ပေးလိုက်တဲ့ လက်ရှိ နိုင်ငံဝန်ကြီးချုပ် ဆရတ်သာ သာဗီဆင်းတို့လည်း တက်ရောက်ခဲ့ကြပါတယ်။

Ref: bangkokpost
MKF-001

#MeKongNews

#သက်ဆင်

#ဖွေထိုင်း

#ပေထောင်တန်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)