မဲခေါင်၊ ဧပြီ ၂
ထိုင်းမိုးလေဝသဇလဗေဒ ပညာရှင်တွေက ဧပြီတစ်လလုံး နိုင်ငံတစ်ဝန်း အပူချိန် မြင့်မားလွန်းမှာဖြစ်ကြောင်းနဲ့ ၄၃ ဒီဂရီဆဲလ်စီးယက်စ်ကနေ အမြင့်ဆုံး ၄၄ .၅ ဒီဂရီဆဲလ်စီးယက်စ်အထိ မြင့်တက်နိုင်တယ်လို့ ခန့်မှန်းပြီး သတိပေး ချက်တွေ ထုတ်ပြန်ထားပါတယ်။
ထိုင်း မိုးဇလ ဌာနက ဧပြီ ၁ ရက်ကစလို့ ဒီတစ်ပတ်အတွင်း မိုးနည်းပြီး လေထုဖိအားနည်းပါးတဲ့ ထိုင်းနိုင်ငံ အရှေ့ မြောက်ပိုင်းနဲ့ အရှေ့ပိုင်းဒေသတွေမှာ အပူချိန် ပိုမိုမြင့်တက်နိုင်ကြောင်း၊ ဒီဒေသတွေမှာ အပူရှိန်က တစ်ပတ် အတွင်း ၄၁ ဒီဂရီဆဲလ်စီးယက်စ်ကနေ ၄၃ ဒီဂရီဆဲလ်စီးယက်စ်အထိ မြင့်တက်မှာဖြစ်တယ်လို့ ဆိုပါတယ်။
ဒါပေမဲ့ ဧပြီ ၈ ရက်နဲ့ ၁၀ ရက်ကြား အိမ်နီးချင်းနိုင်ငံတွေက အေးမြတဲ့ ရာသီဥတုတွေကြောင့် တောင်ပိုင်းဒေသတွေမှာ မိုးသည်း မုန်တိုင်းတွေကျရောက်ပြီး မိုးကြိုးအန္တရာယ်တွေရှိနိုင်ပေမယ့် အပူချိန် လျော့ကျနိုင်ပါတယ်။
အဲဒီနောက်ပိုင်းမှာ အပူချိန် ၄၄ . ၅ ဒီဂရီဆဲလ်စီးယက်စ်အထိ မြင့်မားတာမျိုးလည်း ကြုံရနိုင်တယ်လို့ ထုတ်ပြန်သွားပါတယ်။
အရှေ့တောင်အာရှနိုင်ငံအများစုမှာ ဧပြီ ပထမပတ်ကစလို့ အပူလှိုင်းဖြတ်မှုတွေ ဖြစ်ပွားနေပြီး လေထုညစ်ညမ်းမှု အန္တရာယ်ဆိုးရွားစွာရင်ဆိုင်နေရတဲ့ ထိုင်းနိုင်ငံဟာ ဧပြီ တစ်လလုံးနီးပါး ဆုန်ကရန်သင်္ကြန်ပွဲတော် ကျင်းပမှာဖြစ် လို့ အပူရှိန်သတိပေးချက်တွေကို ထုတ်ပြန်နေရပါတယ်။
Ref: vietnamplus
MKF-001