မဲခေါင်၊ မတ် ၁၂
ထိုင်းနိုင်ငံမှာ မတ် ၁၁ ရက် မနက်ပိုင်း တိုင်းတာသိရှိမှုအရ ခရိုင် ၄၈ ခရိုင်မှာ အန္တရာယ်ရှိတဲ့ မီးခိုးမြူ ထူထပ်မှု ဖြစ်ပွားနေပြီး အဆိုးဆုံးဖြစ်နေတဲ့ ချင်းမိုင်အပါအဝင် ၁၁ ခရိုင်ဟာ အဆိုးဆုံး အနီရောင်အဆင့်၊ ၃၇ ခရိုင်က အနည်းငယ် အန္တရာယ်ရှိစေတဲ့ လိမ္မော်ရောင်အဆင့်ရှိနေကြောင်း သိရှိရပါတယ်။
အန္တရာယ်မရှိတဲ့ လေထုထဲအမှုန်အမွှားပါဝင်မှုစံချိန် တစ်ကုဗမီတာမှာ ၃၇ . ၅ မိုက်ခရိုခရမ်နှုန်းသတ်မှတ်ထားရာ ချင်းမိုင်မှာ အဆိုးဆုံးအဖြစ် တစ်ကုဗမီတာမှာ အမှုန်ပါဝင်မှုနှုန်းက အန္တရာယ်ရှိတဲ့ PM ၂ . ၅ ကိုကျော်လွန်ပြီး တစ်ကုဗမီတာမှာ ၆၄ မိုက်ခရိုဂရမ်အထိ ရှိနေတယ်လို့ ဆိုပါတယ်။
ချင်းမိုင်ပြီးရင် လမ်ဖန်း၊ မဲ့ဟောင်ဆန်၊ ချင်းရိုင်၊ လမ်ပန်း၊ ဖယာအို၊ တာ့ခ်၊ ဖာရေး၊ နန်၊ အက်တရာဒစ်၊ ယူဘွန်ရက်ချာဌာနီတို့ဟာ အန္တရာယ်အရှိဆုံးခရိုင်တွေအဖြစ် အစဉ် လိုက်ရှိနေပါတယ်။
ဒါကြောင့် ချင်းမိုင် မြို့တော်ဝန်က ဒေသတွင်းမှာ တောမီးစတင်ရှို့သူကို ဖမ်းဆီးရမိအောင် သတင်းပေးနိုင်သူတွေ ကို ဘတ် ၁၀၀၀၀ ဆုငွေချီးမြှင့်သွားမယ်လို့ မတ် ၁၀ ရက်နေ့ကတည်းက ထုတ်ပြန်ကြေညာခဲ့ပြီး ပြီးခဲ့တဲ့ ၂ လ အတွင်း ပြောင်းစိုက်ချိန်နီးလို့ တောင်ယာနဲ့ မြေချဲ့တွင်နိုင်ရေး တောမီးရှို့မှုတွေကနေ မီးခိုမြူထူထပ်ခြင်း ပြဿနာတွေ ဖြစ်တည်လာတာဖြစ်တယ်လို့ ဆိုပါတယ်။
ဂြိုဟ်တု ဓာတ်ပုံတွေအရ မြန်မာနိုင်ငံမှာ တောမီး လောင်နေရာ ၅၅၀၂ ခု၊ ကမ္ဘောဒီးယားမှာ ၁၁၃၃ ခု၊ လာအိုမှာ ၆၆၄ ခု ရှိနေပြီး ဒီတောမီး တောင်ယာမီး လောင်ကျွမ်းနေမှု နေရာ ၇၃၀ အနက် အများစုဟာ ချင်းမိုင်နဲ့ နီးစပ်တဲ့ နယ်စပ်ဒေသတွေမှာဖြစ်ပွားနေလို့ လေထုညစ်ညမ်းမှုအဆင့် ပိုဆိုးနေ တာဖြစ်ကြောင်း ရှင်းလင်းပြောကြားသွားပါတယ်။
Ref:Bangkokpost
MKF-001