မဲခေါင်၊ မတ် ၂၁
ထိုင်းမှာသာမက မြန်မာပရိသတ်တွေကြားမှာပါ ကျော်ကြားခဲ့တဲ့ ထိုင်းရုပ်ရှင်မင်းသား မက်ဝီနိုင်ကရိုင်ဘတ်ဟာ မတ်လ ညသန်းခေါင်အချိန်မှာ သွေးပေါင်ထိုးကျပြီး ကွယ်လွန်သွားခဲ့ပြီဖြစ်ကြောင်း ဇနီးဖြစ်သူက လူမှုကွန်ရက်ပေါ် အသိပေးသွားခဲ့ပါတယ်။
မက်ဝီနိုင်ကရိုင်ဘတ်ဟာ ထိုင်းသရဲကားဖြစ်တဲ့ Nang Nak မှာ P’Mak အမည်နဲ့ သရုပ်ဆောင်ခဲ့ရာက စတင်ကျော် ကြားခဲ့ပြီးနောက် Bang Rajan၊ Krai Thong၊ Kuon puos keng kang၊ Immortal Enemy၊ Plon naya၊ Queens of Langkasuka၊ Yamada: The Samurai of Ayothaya ဆိုတဲ့ ဇာတ်ကားတွေမှာ မင်းသားအဖြစ် သရုပ်ဆောင်ခဲ့ပြီး ဒီဇာတ်ကားတွေထဲမှာ နိုင်ငံတကာ ဆုရ ဇာတ်ကားတွေလည်း ပါဝင်ခဲ့ပါ တယ်။
ဒါပေမဲ့ လွန်ခဲ့တဲ့ ၅ နှစ်ကတည်းက သွေးထဲကို ဖြစ်ခဲလှတဲ့ ရောဂါပိုးတစ်မျိုးဝင်ရောက်ပြီး အရေပြားတွေပေါ်မှာ အရေကြည်ဖုတွေ ဆက်တိုက်ထွက်သလို နာတာရှည်ရောဂါနဲ့ အိပ်ယာထဲလဲပြီး လမ်းတောင် မနည်း အားတင်း လျှောက်ရတဲ့အခြေအနေမျိုးနဲ့ ရှင်သန်နေထိုင်ခဲ့ရပါတယ်။
P’Mak ဟာ မတ် ၂၀ ရက် ည ၁၁ နာရီကျော်မှာ ဘန်ကော်က နေအိမ်မှာပဲ သွေးပေါင်ရုတ်တရက် ထိုးကျသွားပြီး ကွယ်လွန်သွားတာဖြစ်ကြောင်းနဲ့ သေဆုံးချိန်မှာ အသက် ၅၄ နှစ်ရှိပြီဖြစ်ကြောင်း သိရပါတယ်။
Ref: newsdirectory3
MKF-001
