မဲခေါင်၊ မတ် ၁၂
တရုတ်အိမ်ဖြူတော်ဖြစ်တဲ့ သမ္မတရှီကျင်းဖျင်နဲ့ တရုတ်ကွန်မြူနစ်ပါတီ အကြီးအကဲမိသားစုတွေ နေထိုင်ရာ ပေကျင်းက အဆောက်အအုံဂိတ်ထဲကို ကားနဲ့အမြန်မောင်းဝင်တဲ့သူတစ်ယောက်ကို သက်တော်စောင့် လုံခြုံရေး တပ်တွေက ဖမ်းဆီးပြီး ဦးတည်ရာမသိရတဲ့နေရာဆီ တံရွတ်တိုက်ဆွဲခေါ်သွားတဲ့ ရုပ်သံဖိုင် လူမှုကွန်ရက်တွေပေါ် မှာ ပျံ့နှံ့လာခဲ့ပါတယ်။
ဇောင်နမ်ဟိုင်လို့အမည်ရတဲ့ တရုတ်အိမ်ဖြူတော် ဆင်ဟွာဂိတ်ဆီ ပေကျင်းလိုင်စင်နံပါတ်ပါ ကားမောင်းဝင်မှုဟာ မတ် ၁၀ ရက်နေ့က ဖြစ်ပွားခဲ့တာဖြစ်ပြီး သက်တော်စောင့်တွေဟာ ကားမောင်းသမားကို ဖမ်းဆီးအပြီး ကားအတွင်း ဗုံး ပါမပါကိုလည်း အသည်းအသန်စစ်ဆေးမှုတွေချက်ချင်းလုပ်ဆောင်ခဲ့တာကြောင့် လုပ်ကြံဖို့ ဝင်ရောက်လာသူ ဖြစ်နိုင်ကြောင်းလည်း သုံးသပ်နေကြပါတယ်။
ဇောင်နမ်ဟိုင် အိမ်ဖြူတော်ဟာ ရှီကျင်းဖျင်ရဲ့ နောက်ပိုင်း စစ်ခေါင်းဆောင်တွေနဲ့ ဆန့်ကျင်လိုသူ နိုင်ငံခေါင်း ဆောင်တွေကို ရာထူးချ၊ ဖမ်းဆီးမှုတွေပြုလုပ်ပြီးနောက်ပိုင်း သူ့လူယုံအသိုင်းအဝိုင်းနဲ့ မိသားစုဝင်တွေ ဘေးကင်းဖို့ အဓိက ထားရှိတဲ့ အိမ်ယာဝင်းဖြစ်တာကြောင့် လုံခြုံရေးအထူးတင်းကျပ်ထားတဲ့ နေရာဖြစ်ပါတယ်။
ရှီကျင်းဖျင်ခေတ်မှာ ခုနောက်ပိုင်း တရုတ်လူမှုစီးပွားရေးစနစ် ကျဆင်းပြီး ဒုက္ခရောက်တဲ့ မိသားစုတွေများလာ ခြင်းကြောင့် အတိုက်အခံလုပ် ဆန္ဒဖော်ထုတ်လိုသူတစ်ဦးက ကားနဲ့ ဂိတ်ထဲ ထိုးဖောက်ဝင်ရောက်လာပုံရတယ် လို့လည်း သုံးသပ်မှုတွေရှိနေပါတယ်။
လက်ရှိရှီကျင်းဖျင်ရဲ့ တစ်ချက်လွတ်အမိန့်ဟာ အစိုးရမူဝါဒကို ဆန့်ကျင်သူမှန်သမျှ ရာဇဝတ်မှုကြီးအဖြစ် သတ်မှတ်ထားပြီး ထောင်သွင်းအကျဉ်းချမှုတွေလုပ်နေပါတယ်။
သန်းနဲ့ချီတဲ့ အိုက်ဂါမွတ်ဆလင်တွေကို လူ့အခွင့် အရေးချိုးဖောက်ပြီး လှောင်ထားခြင်း၊ ဟောင်ကောင်ရဲ့ လွတ်လပ်ရေးကို ဖိနှိပ်ချုပ်ခြယ်နေခြင်း၊ ထိုင်ဝမ်ကို သိမ်းပိုက်လိုခြင်းတွေကြောင့် လက်မခံနိုင်တဲ့ အရာရှိပေါင်းများစွာကို ဖြုတ်ပြီး ဖမ်းဆီးမှုတွေလုပ်နေသလို ဆန္ဒ ပြလူငယ်တွေကိုလည်း ဖမ်းဆီးဖိနှိပ်နေတဲ့အတွက် မကျေနပ်မှုတွေများလာခြင်းအပေါ် ရှီကျင်းဖျင်ဟာ စတာလင် ခေတ် ခြေမှုန်းရေးလမ်းစဉ်နဲ့ ချေမှုန်းနေရာတာဖြစ်ပါတယ်။
တရုတ်လူမှုကွန်ရက်တွေပေါ် ဖော်ပြနေမှုအရ ၂၀၁၄ ခုနှစ်နောက်ပိုင်း ရှီကျင်းဖျင်ကို လုပ်ကြံဖို့ ကြိုးစားမှုပေါင်း ၆ ကြိမ်ရှိခဲ့တယ်လို့လည်း သိရှိရတဲ့အတွက် ရှီကျင်းဖျင် ဟာ သူအန္တရာယ်ကိုကာကွယ်နိုင်ရေး အရက်စက်ဆုံး ရဲတပ်ဖွဲ့နဲ့ လုံခြုံရေးအင်အားစုကို အနီးကပ်သက်တော် စောင့်တွေအဖြစ် မွေးမြူထားကြောင်းလည်း သိရှိရပါတယ်။
Ref:Thesun
MKF-001
