မဲခေါင် ၊ ဒီဇင်ဘာ ၂၉

မြန်မာနိုင်ငံမှာ ပုန်းအောင်းနေတဲ့ တရုတ်နိုင်ငံသား မူးယစ်ဆေးဝါး တရားခံ ၁၀ ဦးကို ဆုကြေးငွေနဲ့တကွ တရုတ်နိုင်ငံက ဖမ်းဝရမ်းထုတ်လိုက်ပါတယ်။

အဲ့ဒီတရုတ်နိုင်ငံသား မူးယစ်ဆေးဝါး တရားခံ ၁၀ ဦးကို ဖမ်းဆီးပေးနိုင်တဲ့သူကို ဆုကြေးငွေ ယွမ်ငွေ ၁ သိန်းကနေ ၂သိန်းထိ ပေးမယ်လို့လည်း တရုတ်က ကြေညာလိုက်တာဖြစ်ပါတယ်။

ဆုကြေးငွေထုတ်လိုက်တဲ့ မူးယစ်ဆေးဝါး တရားခံ ၁၀ ဦးဟာ မြန်မာနိုင်ငံ မြောက်ပိုင်းဒေသမှာ ပုန်းခိုနေကြတယ်လို့လည်း တရုတ်ဘက်ကဆိုပါတယ်။

အဲ့ဒီ မူးယစ်ဆေးဝါးတရားခံတွေကို တရုတ်နိုင်ငံ ဟူနန်ပြည်နယ် ၊ ကျန်းစီပြည်နယ်၊ ကျဲ့ကျန်းပြည်နယ် ၊ စီချွမ်းပြည်နယ် ၊ကွေ့ကျိုးပြည်နယ် စတဲ့ ပြည်နယ်အသီးသီးမှ ပြည်သူ့လုံခြုံရေး ဌာနများက မူးယစ်ဆေးဝါး တရားခံပြေးအဖြစ် ဖမ်းဝရမ်းထုတ်လိုက်တာဖြစ်ပြီး အဲ့ဒီလူတွေကို ဖမ်းပေးရင် ယွမ်ငွေ ၁ သိန်းကနေ ၂ သိန်းထိ ဆုကြေးငွေပေးမယ်လို့ ကြေညာလိုက်တာဖြစ်ပါတယ်။

အဲ့ဒီတရားခံတွေကတော့ မူးယစ်ဆေးဝါးတရားခံပြေး Zhang Anlong ၊ Ma Wenxiang ၊ Wu Yuyang၊ Yang Jinmei ၊ Zeng Xiaoyong ၊ Li Guoping ၊ Sun Qiang ၊ Yan Huanping ၊ Mu Chaodong နဲ့ Long Hua တို့၁၀ဦးဖြစ်ပါတယ်။

CJ-002

#MeKongNews

#တရုတ်

#ဝရမ်း

#မြောက်ပိုင်း

#မြန်မာ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)