မဲခေါင်၊ အောက်တိုဘာ ၁၇
ထိုင်းနိုင်ငံ၊ ချင်းမိုင်ခရိုင်၊ ဝီယန်ဟန်းခရိုင်ခွဲ၊ ပီယန်လန်း ဒေသမှာ အောက်တိုဘာ ၁၇ ရက် အာရုဏ်မတက်မီ ကင်းလှည့် စစ်ဆေးစဉ် ပစ်ကပ်ကား ၂ စီးပေါ်က စိတ်ကြွဆေးပြား ၁၂ သန်းကျော် ဖမ်းဆီးရမိ ခဲ့တယ်လို့ သိရှိရပါတယ်။
ချိုင်ယာနူဖက် အခြေစိုက် ဖဒေါင်အမှတ် (၁) တပ်ရင်းက ကင်းလှည့်နေစဉ် ပန်းခြံ တစ်ခု အနီး ရပ်ထားတဲ့ သံသယရှိဖွယ် ကား ၂ စီးကို တွေ့ရပြီး မိုင်မောင်ချော့ကုမ္ပဏီလိမိတက်ဟာ ရွာသား ၁၅ ယောက်နဲ့ ၂၀ ကြားကို ကားပေါ် ဒီဆေးပြားတွေ ရွှေ့ပြောင်း သယ်ယူခိုင်းနေတာ တွေ့လို့ စစ်ဆေးရာက တစ်အိတ်ကို ဆေးပြား ၂၀၀,၀၀၀ ပါ ၆၁ အိတ်၊ စုစုပေါင်း ဆေးပြား ၁၂,၂၀၀,၀၀၀ သိမ်းဆည်း ရမိခဲ့ပါတယ်။
ဒီဖြစ်စဥ် အတွင်း သံသယ တရားခံ တစ်ဦးကိုသာ ဖမ်းဆီးရမိပြီး ကျန်လူတွေဟာ အမှောင်ထုထဲ ပြေးဝင် ပျောက် ကွယ်သွားကြောင်းနဲ့ ပစ်ခတ် တိုက်ခိုက်မှု မဖြစ်ခဲ့ဘဲ အမှုကို ဆက်လက် စုံစမ်းနေတယ်လို့ ထိုင်းအာဏာပိုင်တွေက ထုတ်ပြန်ထားပါတယ်။
Ref: chiangmainews
MKF-001
#MeKongNews
#ချင်းမိုင်
#စိတ်ကြွဆေးပြား
#မိုင်မောင်ချော့_ကုမ္ပဏီ
