မဲခေါင်၊ ဇန်နဝါရီ ၂၆
ဒေါ်အောင်ဆန်းစုကြည်ရဲ့ စီးပွားရေး အကြံပေး ရှောင်တာနယ်ကို လွတ်ငြိမ်းခွင့်ရုပ်သိမ်းပြီး မြန်မာတရားရုံးပြန်လာ အစစ်ဆေးခံဖို့ စစ်ကောင်စီက ထုတ်ပြန်ခြင်းအပေါ် စိတ်ပျက်စရာကောင်းကြောင်း ဩစတြေးလျနိုင်ငံခြားရေးဝန်ကြီးဌာနက ထုတ်ပြန်လိုက်ပါတယ်။
ရှောင်တန်နယ်ဟာ စစ်အာဏာသိမ်းပြီးနောက် ချက်ချင်းဖမ်းဆီးခံခဲ့ရပြီး ထောင်ထဲမှာ ၂၁ လကြာ နေထိုင်ခဲ့ရာက နိုဝင်ဘာလမှာ လွတ်ငြိမ်းချမ်းသာခွင့်နဲ့ လွှတ်ပေးပြီး ဩစတြေးလျနိုင်ငံကို ပြန်ပို့ခဲ့တာဖြစ်ပါတယ်။
နိုင်ငံ ပြန်ရောက်ပြီးနောက် ရှောင်တာနယ်ဟာ ထောင်ထဲက မိတ်ဆွေတစ်ယောက် ရန်ဖြစ်ပြီး သတ်ဖြတ်ခံရမှု၊ နိုင်ငံ ရေးအကျဉ်းသားတွေနဲ့ လူငယ်တက်ကြွလှုပ်ရှားသူတွေကို နှိပ်စက်ညှင်းပန်းမှုတွေကို ကမ္ဘာသိစေဖို့ မီဒီယာ တွေမှာ ဖော်ပြသလို သူ့လူမှုကွန်ရက်မှာလည်း အတွေ့အကြုံဆိုးတွေကို ဆက်တိုက် ရေးတင်ခဲ့ပါတယ်။
ဒါကြောင့် ပြည်တွင်းသတင်းတွေရဲ့ အဆိုမှာ စစ်ကောင်စီဟာ ရှောင်တာနယ်ကို မဟုတ်မမှန်သတင်းတွေ ဖြန့်လို့ လွတ်ငြိမ်းချမ်းသာခွင့်ပြန်ရုပ်သိမ်းပြီး မြန်မာတရားရုံးကိုပြန်လာ အမှုရင်ဆိုင်ဖို့ အမိန့်ပေးခဲ့ကြောင်း ရေးသား ဖော်ပြခဲ့ပါတယ်။
ဩစတြေးလျအစိုးရဟာ မစ္စတာရှောင်တာနယ်အပေါ် ချုပ်နှောင်ခဲ့ခြင်းအပေါ်တောင် အခြေခံအားဖြင့် ဘယ်တုန်းကမှ လက်မခံခဲ့ဘဲ အရေးယူခဲ့တာကိုလည်း ဆန့်ကျင်ခဲ့ပါတယ်။
လက်ရှိ လွတ်မြောက်လာပြီးနောက်တကြိမ် မသေချာတဲ့ ပြစ်မှုတစ်ခုအကြောင်းပြပြီး တရားရုံးက ဆင့်ခေါ်တာကို စိတ်ပျက်မိတယ်လို့ ထုတ်ပြန်သွားခဲ့တာဖြစ်ပါတယ်။
MKF-001
#MilitaryInMyanmar #Mekongnews
Ref: ABC News