မဲခေါင်၊ ဧပြီ ၁၉
အိန္ဒိယနိုင်ငံ၊ ဂူဂျာရတ်ပြည်နယ်က မီလျံနာ အိမ်ခြံမြေလုပ်ငန်းရှင် ဇနီးမောင်နှံဟာပိုင်ဆိုင်ကြွယ်၀မှု ဒေါ်လာ ၂၄ သန်း စလုံးကို ပေးကမ်းစွန့်ကြဲပြီး ဂျိန်းဘုန်းကြီး၊ သီလရှင်ဘ၀ကို ပြောင်းလဲခံယူမှု စတင်လိုက်ပြီ ဖြစ်ကြောင်း India Express က ရေးသားဖော်ပြသွားပါတယ်။
ဘာဗက်ရှ်ဘန်ဒါရီနဲ့ ဇနီးသည် ဂျီနယ်ဘန်ဒါရီတို့ဟာ ၁၉ နှစ်နဲ့ ၁၆ နှစ်အရွယ် သမီးနှစ်ဦးရှိပြီး အားလုံးဟာ ဂျိန်း သာသနာဘောင်ထဲဝင်ဖို့ ဆုံးဖြတ်လိုက်တဲ့အတွက် ၂၀၂၂ ခုနှစ်ကတည်းက ပိုင်ဆိုင်သမျှသော လက်ဝတ်ရတနာ၊ ပစ္စည်းဥစ္စာတွေကို အကြိမ်ကြိမ် လူအုပ်ထဲ စွန့်ကြဲပေးအပ်ခဲ့ကြပြီး ၂၀၂၄ မတ်လမှာ ဂျိန်းဘုန်းကြီးနဲ့ သီလရှင်တွေ ဘ၀ကို စတင်ကူးပြောင်းခြင်းအဖြစ် သာသနာ့ဘောင်ဝင် အခမ်းအနားကျင်းပပြီး ရွှေငွေ၊လက်ဝတ်ရတနာ၊ ရေခဲ သေတ္တာ၊ လေအေးပေးစက်တွေကအစ လူအများထံ စွန့်ကြဲပေးအပ်ခဲ့တာဖြစ်ပါတယ်။
ဧပြီ ၁၅ ရက်နေ့မှာတော့ ပိုင်ဆိုင်ခဲ့တဲ့ အိမ်ခြံမြေလုပ်ငန်းကြီးကို ဖခင်နဲ့ ဘာဗက်ရှ်ရဲ့ အစ်ကိုအကြီးဆုံးကို လွှဲပြောင်းပေးခဲ့ပြီး ပိုင်ဆိုင်သမျှ သော မိသားစု လက်ကိုင်ဖုန်းပါမကျန် ၄ ကီလိုမီတာခရီးလှည့်လည်ပြီး ရာပေါင်းများစွာ လိုက်ပါ လာတဲ့ လူထုထဲ အကုန်စွန့်ကျဲပေးအပ်ခြင်းနဲ့ ဂျိန်းသာသနာ့ဘောင်ထဲ တစ်မိသားစုလုံးသာမက လူဝတ်ကြောင်ကို စွန့်လွှတ်မယ့် ၁၈ နှစ်ယောက် ၁၀ ဦးအပါ စုစုပေါင်း ၃၃ ဦးနဲ့အတူ သာသနာ့ဘောင်ဝင်သွားခဲ့တာပဲဖြစ်ပါတယ်။
ဂျိန်းဘုန်းကြီးဘ၀ဟာ စွန့်ကြဲလှူဒါန်းမှုကိုသာ စားသုံးရပြီး ပန်းကန်တစ်လုံး၊ တံမြက်စည်းနဲ့ ဝတ်ရုံ နှစ်ထည်နဲ့ သာ ခြေဗလာ သွားလာလို့ အမှန်တရားနဲ့ တရားစစ်ကို ရှာရတာဖြစ်လို့ ဒီမိသားစုရဲ့ သုံးမကုန်တဲ့ စည်းစိမ်ချမ်း သာကို စွန့်လွှတ်ခြင်းအပေါ် တရားပေးဆရာ ဂျိန်းဘုန်းကြီးခေါင်းဆောင် အချာရာဒက်ဗ်ဗီဂျေယော့ဂ်တီလက် ဆာရီဂျီမဟာရာဂျာက ကောင်းချီးပေးမိန့်ကြားသွားပါတယ်။
Ref:Thesun
MKF-001