မဲခေါင်၊ ဧပြီ ၁၉
ပြီးခဲ့တဲ့ သီတင်းပတ်ကုန်က အီရန်ဟာ ဒုံးကျည်နဲ့ဒရုန်းပေါင်း ၃၀၀ ကျော်ကို အစ္စရေးထံ ပစ်လွှတ်ခဲ့ခြင်းအပေါ် အစ္စရေးဟာ ဧပြီ ၁၈ ရက်ညက လက်စားချေခြင်းအဖြစ် မိုင် ၁၀၀ အကွာမှာရှိတဲ့ အီရန်နိုင်ငံထဲက နျူကလီးယား လက်နက်ထုတ်လုပ်တဲ့ စခန်းတွေကို ဦးတည်ပြီး ဒရုန်းတွေနဲ့ ပစ်ခတ်တိုက်ခိုက်ခဲ့ပါတယ်။
အဓိက ပစ်မှတ်ဟာ အီရန်ရဲ့ အစ်ဖာဟန်လေတပ်အခြေစိုက်စခန်းနဲ့ အနီးအနားမှာရှိတဲ့ နျူကလီးယားလက်နက် စက်ရုံကို ဦးတည်ပစ်ခတ်ရာမှာ အနည်းဆုံး ဒရုန်းတစ်လုံး ပစ်မှတ်ထိမှန်လို့ မြေပြင်မှာ ပြင်းထန်တဲ့ပေါက်ကွဲမှုကြီး ဖြစ်ခဲ့ကြောင်း အနီးအနားနေသူတွေအားလုံး ကြားသိခဲ့ရပါတယ်။
ဒါပေမဲ့ အီရန်ဘက်က ဒရုန်း ၃ စင်းပစ်ချနိုင်ပြီး အစ်ဖာဟန် စခန်းလုံး၀အထိအခိုက်မရှိအောင် လေကြောင်းရန်စနစ်က ကာကွယ်ပေးနိုင်ခဲ့တယ်လို့ ထုတ်ပြန်သွားပါတယ်။
အီရန်ခေါင်းဆောင် အလီခါမီနီရဲ့ လက်ရုံး၊ လက်နက်ထိန်းချုပ်ရေးအဖွဲ့ မူဝါဒဆိုင်ရာ ဒါရိုက်တာ က တကယ်လို့ သူတို့နျူကလီးယားစက်ရုံတွေကို အစ္စရေးဘက်က ပစ်မှတ်ထားတိုက်ခိုက်လာရင် ငြိမ်းချမ်းရေးနဲ့ စွမ်းအင်အတွက်သာအဓိကထားထုတ်လုပ်နေတဲ့ နျူကလီးယားစွမ်းအင် မူဝါဒကို ပြောင်းလဲပြီး အစ္စရေးကို အဏုမြူဗုံး တီထွင်လို့လက်စားချေသွားမှာဖြစ်ကြောင်း အစ္စရေးလက်တုန့်မပြန်မီကတည်းက ပြောကြားခဲ့လို့ အမေရိကန် ထောက်လှမ်းရေးဌာနက အီရန်ဟာ ၆ လအတွင်း အဏုမြူဗုံးကို လျှို့ဝှက်တီထွင်ပြီး အစ္စရေးကို နျူကလီးယားလက်နက်နဲ့ တိုက်ခိုက်သွားမှာ စိုးရိမ်ရကြောင်း ထုတ်ပြန်သွားပါတယ်။
အီရန်စစ်လက်နက်ထိန်းချုပ်ရေးမူဝါဒကော်မတီ ဒါရိုက်တာ ဒေဗင်ပို့တ်က သူတို့ဟာ အစ္စရေးကို တုံ့ပြန်မယ့် အဏုမြူဗုံးကို ၁ ပတ်အတွင်း ထုတ်လုပ်နိုင်ပြီး တစ်လအတွင်း ၄၊ ၅ လုံး ထုတ်လုပ်နိုင်တယ်လို့ ကြုံးဝါးထား တဲ့အတွက် အမေရိကန်ထောက်လှမ်းရေး သတင်းရင်းမြစ်မှာ အစ္စရေးကို ၆ လအတွင်း အဏုမြူဗုံးနဲ့ တုံ့ပြန် တိုက်ခိုက်လာမှာကို စိုးရိမ်နေရပြီလို့ ဖော်ပြပါရှိလာတာဖြစ်ပါတယ်။
Ref:The Sun
MKF-001
