မဲခေါင်၊ သြဂုတ် ၁၆
ထိုင်း-မြန်မာ-လာအို ၃ နိုင်ငံ နယ်စပ်၊ ရွှေတြိဂံဒေသကနေ မဲခေါင်မြစ်ကို လှေနဲ့ဖြတ်ပြီး ထိုင်းနိုင်ငံ၊ အယုဒ္ဓယမြို့ ဆီပို့ဖို့ စိတ်ကြွဆေးပြားတွေ ခိုးသယ်လာတဲ့ ၆ ဘီး ကုန်ကား တစ်စီးကို ဩဂုတ် ၁၄ ရက်နေ့က ဖယာအိုခရိုင်မှာ ထိုင်း မူးယစ်နှိမ်နင်းရေးနဲ့ နယ်ခြားစောင့်တပ်က လိုက်လံ ဖမ်းဆီးခဲ့ပါတယ်။
ကားပေါ်က ဓာတ်မြေဩဇာ အိတ်တွေထဲမှာ စိတ်ကြွဆေး ၆ သန်း အထိ သယ်ဆောင်လာတာ တွေ့ရှိရကြောင်း ထိုင်းမီဒီယာတွေက ဖော်ပြပါတယ်။
ယာဉ်မောင်းဟာ မူးယစ်ဆေးမှောင်ခိုမှု အတွက် သံသယရှိသူဖြစ်လို့ ကားကို နောက်ယောင်ခံ လိုက်ခဲ့ကြောင်း၊ ဒီကုန်ကားဟာ စစ်ဆေးရေးဂိတ်တွေကို လွတ်မယ့်လမ်းတွေ ရွေးပြီး ဖယာအိုကနေ အယုဒ္ဒယ မူးယစ်ဆေး မှောင်ခို ကွန်ရက်ထဲ သယ်ဆောင်စဥ် နာခွန်းဆာဝမ်ခရိုင် ဖာရူဟာခီရီ စစ်ဆေးရေးဂိတ် X Ray စက်မှာ အတည်ပြုနိုင်ခဲ့ပြီး ၄၂ နှစ်အရွယ် ချင်းမိုင်၊ မယ်ရင်းမ်ခရိုင်နေသူ မစ္စတာ ဆူရာပေါင်ကို ဖမ်းမိခဲ့တယ်လို့ ဆိုပါတယ်။
ဓာတ်မြေဩဇာ အိတ်တစ်အိတ်စီမှာ စိတ်ကြွဆေး မက်သဖက်တမင်း ၂ သိမ်းပါ အိတ်ငယ် ၂ အိတ် ထည့်သွင်းထားပြီး တစ်ကားလုံးက အိတ်တွေကို စစ်ဆေးရ, စုစုပေါင်း စိတ်ကြွဆေး ၆ သန်း အထိကို ဖမ်းဆီးရမိခဲ့တာ ဖြစ်ကြောင်းနဲ့ တရားခံရဲ့ ဖုန်းနံပါတ်ကနေ ခိုင်းစေတဲ့ အယုဒ္ဓယ မူးယစ်ဆေးကွန်ရက်ကို ဖော် ထုတ်ဖို့ ဆက်လက် စုံစမ်းစစ်ဆေးမယ်လို့ ချင်းမိုင် ရဲတပ်ဖွဲ့က ထုတ်ပြန်ခဲ့ပါတယ်။
MKF-001
#Mekongnews
#မဲခေါင်မြစ်
#ရွှေတြိဂံဒေသ
#စိတ်ကြွဆေးပြား
Ref: MAESAIPRESS
