မဲခေါင်၊ မတ် ၂၁
မတ် ၁၉ ရက်နေ့က ထိုင်းနိုင်ငံ နွန်သာဘူရီခရိုင် ဘန်ရိုင်းခရိုင်ခွဲက ဂိုထောင်တစ်ခုထဲမှာ တရားမဝင် လောင်းကစားခန်းမ လုပ်ထားမှုကို ဒေသဆိုင်ရာအုပ်ချုပ်ရေးအထူးတပ်ဖွဲ့က ဝင်ရောက်စီးနင်ခဲ့ရာမှာ ဒီအမှုတွဲထဲ ထိုင်းအမျိုးသားရဲတပ်ဖွဲ့ရဲချုပ် တော်ဆက်ခ်ဆက်ဝီမွန်နဲ့ ဒုရဲချုပ် ဆူရာချတ်ဟက်ပန်းတို့နောက်ကွယ်က ပါဝင်ပတ်သက်နေတဲ့ သံသယတွေရှိတာကြောင့် ဝန်ကြီးချုပ် ဆရတ်သာသာဗီဆင်းကိုယ်တိုင်က ရာထူးကနေ ယာယီရပ်ဆိုင်းကြောင်း အမိန့်ထုတ်ပြန်ခဲ့ပါတယ်။
ဒီဝင်ရောက်ဖမ်းဆီးမှုမှာ လောင်းကစားလုပ်နေသူ ၃၀၀ ကျော်၊ လောင်းကစားလုပ်တဲ့ စားပွဲ ၁၆ လုံး၊ စီစီတီဗီ ကင်မရာ အလုံး ၆၀ နဲ့ ဘတ်ငွေ ၁ သန်းကျော်ကို သိမ်းဆည်းရမိသလို ဒီကွန်ရက်ဟာ အွန်လိုင်းလောင်းကစား ဝက်ဘ်ဆိုက်နဲ့ တွဲဆက်နေပြီး နောက်ကွယ်က ရဲချုပ်နဲ့ဒုရဲချုပ်တို့ အကာအကွယ်ပေးထားတဲ့ အဖွဲ့ဖြစ်တယ်လို့ ထိုင်းပြည်တွင်းမီဒီယာတွေမှာ ဖော်ပြလာတဲ့အတွက် မတ် ၂၀ ရက်နေ့မှာ ဝန်ကြီးချုပ် ဆရတ်သာကိုယ်တိုင် ထိုင်းတော်ဝင်ရဲတပ်ဖွဲ့ ရုံးချုပ်ကို ရောက်ရှိလာပြီး သံသယရှိသူ ရဲချုပ်နဲ့ဒုရဲချုပ်တို့ကို ရာထူးရပ်ဆိုင်းကြောင်းနဲ့ ပူးတွဲဒုရဲချုပ်ဖြစ်တဲ့ ကစ်တီရတ်ပန်ဖတ်ကို ရဲချုပ်ရာထူးမှာ အစားထိုးခန့်အပ်ကြောင်း အတည်ပြုထုတ်ပြန်သွား ပါတယ်။
တော်ဆက်ခ်ဆက်ဝီမွန်ကို ၂၀၂၃ ခုနှစ်အောက်တိုဘာလမှာ ရဲချုပ်အဖြစ် ခန့်အပ်ခဲ့တာဖြစ်ပြီး ဆူရာချတ်ဟက်ပန်း ဟာ လက်ထောက်ရဲချုပ်တာဝန်ယူပါတယ်။
မနှစ်က စက်တင်ဘာလတုန်းက ဆူရာချတ်ဟက်ပန်းရဲ့ ဘန်ကောက် က နေအိမ်ကို ဝင်ရောက်စီးနင်းရာမှာ တရားမဝင် အွန်လိုင်းလောင်းကစားကွန်ရက်နဲ့ပတ်သက်နေတဲ့ လက်အောက်ခံ ရဲအရာရှိ ၈ ဦးကို ဖမ်းဆီးခဲ့ပေမယ့် ဆူရာချတ်ကတော့ သူမသိရဘဲ တပည့်တွေကသာ ရာဇဝတ် မှုမှာပါဝင်နေတာဖြစ်ပြီး သူ့ခြံဝန်းထဲမှာ ငှားရမ်းနေထိုင်တာသာဖြစ်တယ်လို့ တင်ပြရင်း အမှုကလွတ်မြောက်ခဲ့ တာဖြစ်ပါတယ်။
Ref: khaosod
MKF-001
