မဲခေါင်၊ ဧပြီ ၂၆
၁၀ နှစ်ကျော်ကြာ စစ်ကောင်စီ သိမ်းပိုက် ထားတဲ့ ကချင်ပြည်နယ်၊ KIO/KIA ဌာနချုပ် ရှိရာ လိုင်ဇာမြို့ အဝင် မုခ်ဝကို KIA နဲ့ ပူးပေါင်း တော်လှန်ရေးတပ်ဖွဲ့တွေက ပြန်လည် သိမ်းပိုက်ရယူ ပြီးနောက် ဖြိုဖျက်လိုက်ပြီး အသစ်ပြန်လည် ပြုလုပ်ပြီးစီးထားပြီ ဖြစ်ကြောင်း ဒေသခံတွေ ဆီက သိရပါတယ်။
“ မုခ်ဝ အဟောင်းတွေကို အကုန်လုံး ဘူဒိုဇာနဲ့ ကော် ဖျက်လိုက်ပြီး အခုက အသစ် လုပ်လိုက်တာ။ ဒီနေ့ပြီးလို့ ဒီနေ့ သိက္ခါတော်ရ ဆရာတော် တွေနဲ့ ဆုတောင်း ဂုဏ်ပြု ချီးမွမ်း လိုက်ပြီ” လို့ လိုင်ဇာ ဒေသခံ အမျိုး သမီး တစ်ဦးက ပြောပါတယ်။
အဲဒီ လိုင်ဇာမြို့မှ ကြိုဆိုပါ၏ ဆိုတဲ့နေရာကကို စစ်ကောင်စီတွေက ပြီးခဲ့တဲ့ ၂၀၁၁ ခုနှစ်က သိမ်းပိုက် ထိန်းချုပ် လိုက်တာ ဖြစ်တာလို့ သူက ပြောပါတယ်။
“ ယနေ့မနက်၊ အဝင်ဆိုင်းဘုတ် စိုက်ထူပြီး ဆုတောင်းကြပါတယ်။ (အောင်ပွဲခံခြင်း မဟုတ်ပါ) (၁၀)နှစ်ကျော်မှ လိုင်ဇာ ဝင်ပေါက်များ ပြန်ဖွင့်နိုင်ခဲ့ကြချိန် ဒေသ နေသူများ အတိုင်းအတာတစ်ခုထိ လွတ်လပ်မှု ရသကို ပြန်ရရှိခဲ့ပါတယ်။ တစ်နိုင်ငံလုံး လွတ်လပ်မှု အရသာ ခံစားနိုင်ဖို့ ဆက်လက် ကြိုးစား ကြရပါအုံးမယ်။” လို့ ဗိုလ်ချုပ် ဂွန်မော်က သူ့ရဲ့ လူမှုကွန်ယက် စာမျက်နှာမှာ ရေးသား ဖော်ပြထားပါတယ်။
အခု အချိန် KIO/ KIA အုပ်ချုပ်တာက သူတို့လည်း ပေါ်လစီတွေ အရမ်း မသတ်မှတ်သေးသလို အစီအစဉ်တွေ ကြီးကြီး မားမား မချရသေးတာကြောင့် အခုချိန်က တင်းကြပ်တာမျိုး မရှိသေးပဲ အတိာင်းအတာ တခုအထိ လွတ်လပ်ပြီး လုံခြုံမှုရှိတယ်လို့ လိုင်ဇာဒေသခံ အမျိုးသား တစ်ဦးက ပြောပါတယ်။
“ နောင်တစ်ချိန်မှာ သူတို့ အခိုင်အမာ ဖြစ်လာရင်တော့ ဘယ်လို ပြန်လှုပ်ရှား လာမလဲ မသိဘူး။ အခု အခြေအနေမှာတော့ လွတ်လပ်မှုရှိတယ်။ အရမ်း တင်းကြပ် တာမျိုးတော့ မရှိဘူး။” လို့သူက ပြောပါတယ်။
ပြီးခဲ့တဲ့ ၂၀၁၁ ခုနှစ်က ဖြစ်ပွားတဲ့ စစ်ကောင်စီနဲ့ KIA တို့အကြား ကျော့ပြန် တိုက်ပွဲမှာ အဲဒီ လိုင်ဇာ အဝင် မုဒ်ဝ ကိုပါ စစ်ကောင်စီရဲ့ သိမ်းပိုက်ခြင်းခံခဲ့ရပြီး ယခု ၂၀၂၄ မတ်လ မှာမှ အဲဒီ မုဒ်ဝ နေရာကို KIA နဲ့ ပူးပေါင်းတော်လှန်ရေးညတပ်ဖွဲ့ တွေက ပြန်လည် သိမ်းယူ နိုင်ခဲ့တာ ဖြစ်ပါတယ်။
CJ-008
