မဲခေါင်၊ ဧပြီ ၁၉
ဆုန်ကရန်(သင်္ကြန်) ပွဲတော်ကြောင့် ရပ်ဆိုင်းထားတဲ့ တစ်နှစ်တာ ဆန္ဒအလျှောက်စစ်မှုထမ်းလျှောက်လွှာ အစီအစဉ်ကို ဧပြီ ၁၆ ရက်နေ့မှာ ပြန်လည်လုပ်ဆောင်ခဲ့ရာ အလွှာမျိုးစုံက လူငယ်အမျိုးသား ၂၅၁၀၀ အထိ စာရင်းပေးသွင်းခဲ့တယ်လို့ ထိုင်းတော်ဝင်တပ်မတော် ပြောရေးဆိုခွင့်ရှိသူ ဒုတိယဗိုလ်ချုပ်ကြီး ဆရီချန်ငါန်သောင်က ထုတ်ပြန်ပြောကြားခဲ့ပါတယ်။
ထိုင်းတော်ဝင်တပ်မတော် စစ်ဒေသ ၃ မှာတာဝန်ထမ်းမယ့် လုပ်အားပေးစစ်သည်စာရင်းကတော့ ခေါ်ယူပြီးစီးခဲ့ပြီဖြစ်တာကြောင့် စစ်ဒေသ ၁၊ ၂ နဲ့ ၄ မှာတာဝန်ထမ်းမယ့် လိုအပ်လုပ်အားပေးစစ်သည် ၁၀ ရာခိုင်နှုန်းကနေ ၂၀ ရာခိုင်နှုန်းကြားကို ဆက်ခေါ်ယူဖို့ ဧပြီ ၁ ရက်နေ့ကနေ ၁၂ ရက်အထိ စာရင်းပေးသူတွေကို တွက်ချက်ထုတ်ပြန်ရာမှာ ပါရဂူဘွဲ့ရ၊ ရိုးရိုးဘွဲ့ရ ပညာတတ်တွေရော၊ ဘုန်းကြီးတွေနဲ့ လူတန်းစားပေါင်းစုံ ၂၅၁၀၀ ဦး စာရင်းပေးထားတယ်လို့ ငါန်သောင်က ပြောပါတယ်။
ထူးခြားတာက ပညာအရည်အချင်း အလိုက် လုပ်အားပေးစစ်မှုထမ်းသက်မှာ လျှော့ချခံစားခွင့်ရှိပါလျှက် ၂ နှစ်အပြည့်တာဝန်ထမ်းချင်သူတွေ များပြား လာခဲ့တာပဲဖြစ်တယ်လို့ ငါန်သောင်က ဆိုပါတယ်။
တက္ကသိုလ်ဘွဲ့ရတစ်ဦးအနေနဲ့ ၂ နှစ်ကနေ ၆ လသာ တာဝန်ထမ်းပြီး ပြန်ထွက်ခွင့်ပြုထားရာမှာ ၂၂ ယောက်ဟာ ၂ နှစ်အပြည့်တာဝန်ထမ်းလိုတယ်လို့ လျှောက်လွှာမှာဖြည့်သွင်းထားကြောင်း၊ ကတ်ပြားအနီ မဲနှိုက်ရရှိတဲ့ တက္ကသိုလ်ဘွဲ့ရ ၁၉ ယောက်ဟာလည်း ၂ နှစ်စစ်မှုထမ်းသက်မှာ တစ်နှစ်သာထမ်းရွက်ခွင့်ရှိပါလျှက် ၂ နှစ်လုံး စစ်မှုထမ်းလုပ်အားပေးမယ်လို့ ဖြည့်သွင်းထားကြောင်း၊ ပါဂရူဘွဲ့ရထားသူပေါင်း ၂၃ ယောက်အထိ ဝင်လျှောက် ထားကြောင်း၊ ဘုန်းကြီးတွေထဲမှာလည်း စာတတ်ဘွဲ့တော်ရမှုအလိုက် စစ်မှုထမ်းသက်လျှော့ချထမ်းဆောင်ခွင့်ရှိ နေပါလျှက် ၂၇ ပါးက ၂ နှစ်အပြည့် တာဝန်ထမ်းလိုတယ်လို့ လျှောက်ထားကြောင်း ထိုင်းတော်ဝင်တပ်တော်က ပြောပါတယ်။
ဒါဟာ ထိုင်းလူငယ်အမျိုးသား တွေအကြား နိုင်ငံ စစ်တပ် အင်အားချဲ့တွင်လိုမှုကို နားလည်သိရှိပြီး မှန်ကန်တဲ့သဘောထားနဲ့ မူဝါဒတွေ ချမှတ် နိုင်ခဲ့လို့ လှုံ့ဆော်ပေးနိုင်ခဲ့တဲ့ အကျိုးဆက်ဖြစ်တယ်လို့ ငါန်သောင်က ဂုဏ်ယူဝင့်ကြွားစွာ ပြောသွားခဲ့ပါတယ်။
MKF – 001
Ref: bangkokpost
#MeKongNews
#ထိုင်းစစ်တပ်
