မဲခေါင်၊ သြဂုတ် ၁၁

ထိုင်းနိုင်ငံ၊ ချင်းရိုင်ခရိုင်နဲ့ မယ်ဆိုင်ခရိုင်အနီး၊ ဒွိုင်နန်နွန် တောင်ကြောအနီး ကားလမ်းမပေါ်မှာ Pickup ကား အနက်ရောင် တစ်စီး စွန့်ပစ်ထားလို့ မူးယစ်နှိမ်နင်းရေး ရဲတပ်ဖွဲ့၊ ချိုတက်ခ်စစ်တပ်နဲ့ သက်ဆိုင်ရာ ထိုင်း အာဏာပိုင်တွေ သွားရောက် စစ်ဆေးရာက Ice နဲ့ K မူးယစ်ဆေး ၇၂ ကီလိုရဂရမ် သိမ်းဆည်းရမိခဲ့ကြောင်း သိရပါတယ်။

ဩဂုတ် ၁၀ ရက်နေ့၊ ညနေပိုင်းမှာ သတင်းရလို့ သွားရောက် စစ်ဆေးရာမှာ ကားက ဘန်ကောက် လိုင်စင် ၅၂၃၈ နံပါတ်ဖြစ်ပြီး မောင်းသူမတွေ့၊ ထူးခြားမှု တစ်စုံတရာ မတွေ့ရှိရကြောင်း ဆိုပါတယ်။

ဒါပေမဲ့ ကားနောက်ခန်း အခင်းက ပြန်ခင်းထားတဲ့ အနေအထားတွေ့လို့ လှန်ကြည့်မှ ခဲပတ် စက္ကူနဲ့ ထုပ်ထားတဲ့ Ice ၂၂ ကီလိုဂရမ်နဲ့ ကက်တမင်း (K) ဂရမ် ၅၀ ကို အထုပ်တွေ ခွဲထုတ်ထားတာ တွေ့ရှိခဲ့တာ ဖြစ်ပါတယ်။

ရဲတပ်ဖွဲ့နဲ့ သက်ဆိုင်ရာ တာဝန်ရှိသူတွေဟာ ဒီအမှုနဲ့ ပတ်သက်လို့ ဘန်ကောက် ကားနံပါတ်နဲ့ ပိုင်ရှင်ကို ဆက်လက် စုံစမ်းပြီး စစ်ဆေးမှုတွေ လုပ်သွားမှာဖြစ်ကြောင်း မယ်ဆိုင်ရဲတပ်ဖွဲ့က ထုတ်ပြန်ထားပါတယ်။

MKF-001

#Mekongnews

#ချင်းမိုင်

#မူးယစ်ဆေး၀ါး

#Ice_K

Ref: MAESAIPRESS

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)