မဲခေါင်၊ ဧပြီ ၁၀
ထိုင်းနိုင်ငံ ချင်းမိုင်မြို့ဟာ ဧပြီ ၉ ရက် ဒေသစံတော်ချိန် နံနက် ၉နာရီ ၂၀ မိနစ်တိုင်းတာချက်အရ လေထု တစ်ကုဗတီတာအတွင်းဖုန်မှုန့် ၂၀၃ မိုက်ခရိုဂရမ် အထိပါဝင်နေပြီး ကမ္ဘာ့လေထုအညစ်ညမ်းဆုံးမြို့အဖြစ် ဆက်လက်ရပ်တည်နေပါတယ်။
လေထုညစ်ညမ်းမှု စိုးရိမ်အဆင့် PM2.5 ဟာ တောင်ယာမီးလောင်မှုနဲ့အတူ မီးခိုးမြူတွေ ထူထပ်မှုဟာ ချင်းမိုင်မြို့ရဲ့ မြောက်ပိုင်းခရိုင် ၆ ခုမှာ ဆိုးရွားစွာဖြစ်တည်နေလို့ ချင်းမိုင်မြို့တော်ဝန် နီရတ်ဖုန်ဆစ်သာဝန်က ဧပြီ ၈ ရက်ကတည်းက ဧပြီ ၉ ရက်ကနေ ၁၁ ရက်နေ့အထိ အစိုးရဝန်ထမ်းတွေအားလုံး နေအိမ်ကနေပဲ (Work From Home) အလုပ်လုပ်ကြဖို့ အမိန့်ထုတ်ပြန်ခဲ့ပြီး တခြားပုဂ္ဂိလိက စီးပွားရေးလုပ်ငန်းက လုပ်သားတွေလည်း အတတ်နိုင်ဆုံး နေအိမ်ကပဲ အလုပ်လုပ်သင့်ရင် လုပ်ကြဖို့ ပူးပေါင်းဆောင်ရွက်သွားမယ်လို့ ထုတ်ပြန်ကြေညာခဲ့ပါတယ်။
ချင်းမိုင်မြို့ဟာ ပြီးခဲ့တဲ့ ရက်ပေါင်းအတော်ကြကတည်းက ကမ္ဘာ့လေထုအညစ်ညမ်းဆုံးမြို့အဖြစ် စာရင်းဝင်နေ ရာက ဧပြီ ၉ ရက်မနက်မှာ အဆိုးရွားဆုံး လေထုညစ်ညမ်းမှုအဆင့် ထပ်တိုးရောက်လာပြီးနောက်ရက်အနည်း ငယ်အထိလည်း ပိုမိုဆိုးရွားမယ့်အနေအထားကြောင့် ဝန်ထမ်းတွေကို အိမ်မှာ အလုပ်လုပ်ခိုင်းဖို့ အမိန့်ထုတ်ခဲ့ရ တာဖြစ်ပါတယ်။
ဧပြီ ၃ ရက်နေ့ကလည်း ဗိသုကာဌာန ပါမောက္ခ ဒေါက်တာ ရာဗီဝမ်ဟာ အဆုပ်ကင်ဆာအဆင့် (၄) ခံစားနေရာ က လေထုညစ်ညမ်းမှုအမြင့်ဆုံးအခြေအနေသက်ရောက်မှုကြောင့် သေဆုံးသွားခဲ့သလို ဒီလိုသေဆုံးမှုတွေ ဆက် တိုက်ရှိနေတဲ့အတွက် ထိုင်းဝန်ကြီးချုပ် ဆရတ်သာက နှစ်စဉ်ချင်းမိုင်မြို့ လေထုညစ်ညမ်းမှုပြဿနာ ကြုံနေရမှု ကို အကျိုးအပြုဆုံး၊ အထိရောက်ဆုံးနည်းလမ်းတွေ သုံးပြီး ဖြေရှင်းနိုင်အောင် အားလုံးကြိုးစားရမှာဖြစ်ကြောင်း ထုတ်ပြန်ပြောဆိုသွားခဲ့ပါတယ်။
Ref: khaosod
MKF-001