မဲခေါင်၊ ဖေဖော်ဝါရီ ၂၆
မြောက်ကိုရီးယားနိုင်ငံမှာ အရင်ကတည်းက အနောက်နိုင်ငံထုတ်ရုပ်ရှင်တွေ ကြည့်ရှုခွင့်ပိတ်ပင်ထားပေမယ့် ဒီနေ့မှာတော့ ကလေးငယ်တွေကိုပါ ဒီလိုဟောလိ၀ုဒ်ရုပ်ရှင်တွေကြည့်ရင် ထောင်ဒဏ် ၅ နှစ်အထိ ချမှတ်ဖို့ အတည်ပြုလိုက်ပါတယ်။
မြောက်ကိုရီးယား အာဏာရှင်ကင်ဂျုံအန်ဟာ ကေပေါ့ပ်၊ ကိုရီးယားရုပ်ရှင်၊ ဟောလိ၀ုဒ်ထုတ် မာဗယ်အစရှိတဲ့ ရုပ်ရှင်တွေကိုကြည့်ရှုခြင်းဟာ ဆိုရှယ်လစ်ဆန့်ကျင်မှုအဖြစ် ဥပဒေသတ်မှတ်ပြီး ကလေးတွေကြည့်ရင် ထောင် ၅ နှစ်နဲ့ မဆုံးမတဲ့ မိဘတွေကို ထောင် ၆ လ ချမှတ်ကြောင်း၊ ကလေးတွေကို ကျောင်းမပို့ခင်ကတည်းက မိဘတွေ က နေအိမ်မှာ ကိုရီးယားလို ကခုန် သီချင်ဆိုတာမျိုး၊ ဟောလိ၀ုဒ်ရုပ်ရှင် ကြည့်ရှုအားပေးတာမျိုး မလုပ်ဖို့ သွန်သင် ကြပ်မတ်ထားရမယ်လို့လည်း သတိပေးချက် ထုတ်ပြန်ထားပါတယ်။
နိုင်ငံတွင်းကလူတွေကို ကမ္ဘာနဲ့ အဆက်ဖြတ်ထားပေမယ့် မြောက်ကိုရီးယားနိုင်ငံတွင်းမှာ အိမ်နီးချင်းတရုတ် နိုင်ငံကနေတစ်ဆင့် ကေပေါ့ပ်၊ ကိုရီးယားဒရာမာဇတ်လမ်းတွဲတွေ၊ မာဗယ်အပါအဝင် ဟောလိ၀ုဒ်အက်ရှင် ဇာတ်ကားတွေဟာ CD၊ USB၊ မန်မိုရီစတစ်တွေထဲခိုးကူးထည့်ပြီး မှောင်ခိုသွင်းလို့ ခိုးကြည့်မှုမြင့်တက် လာတဲ့အတွက် ကင်ဂျုံအန်က ဒီလို ဥပဒေထုတ်ပြီး ကလေးငယ်တွေကိုပါ ပြင်းထန်လွန်းတဲ့ ထောင်ဒဏ် ၅ နှစ် ချမှတ်လာတာဖြစ်ပါတယ်။
၂၀၂၂ ခုနှစ်အောက်တိုဘာလက တရုတ်နိုင်ငံနဲ့နယ်စပ်မြို့ဖြစ်တဲ့ ဟိုင်ဆန်မှာ ဆယ်ကျော်သက်လူငယ်နှစ်ယောက် ကို တောင်ကိုရီးယားရုပ်ရှင်ကြည့်မှု၊ ဖြန့်ဖြူးမှုနဲ့ မြို့လယ်ခေါင်မှာ မီးရှိုကွပ်မြက်မှုလုပ်ခဲ့သလို လီလိုအမည်ရတဲ့ မြောက်ကိုရီးယားသားတစ်ဦးကိုလည်း စီဒီရွမ်ထဲမှာ တောင်ကိုရီးယားရုပ်ရှင်တွေ၊ တီဗီအစီအစဉ်တွေ၊ ဂီတ ဗီဒီယို တွေထည့်သွင်းမှုနဲ့ သေဒဏ်ချမှတ်ခဲ့ကြောင်း အာအက်ဖ်အေက ရေးသားဖော်ပြသွားပါတယ်။
MKF – 001
Ref: RFA
#MeKongNews