မဲခေါင်၊ မတ် ၁၉
တောင်ကိုရီးယား အာဏာပိုင်တွေက ဒီကနေ့ မနက် ဒေသစံတော်ချိန် ၁၁ နာရီ ၅ မိနစ်မှာ မြောက်ကိုရီးယား ဟာ ဂျပန်ပင်လယ်ထဲကို တာတိုပစ် ဒုံးကျည်တွေ ပစ်လွှတ်ခဲ့တယ်လို့ အတည်ပြု ထုတ်ပြန်ခဲ့ပါတယ်။
ဒါဟာ တောင်ကိုရီးယားနဲ့ အမေရိကန်တို့ ၁၁ ရက်ကြာ စစ်ရေး ပူးပေါင်း လေ့ကျင့်မှု ကာလအတွင်း မြောက်ကိုရီးယားရဲ့ ၄ ကြိမ်မြောက် လက်နက် ပစ်လွှတ်မှုဖြစ်ခဲ့ပြီး တောင်ကိုရီးယား ပူးတွဲ စစ်ဦးစီးချုပ်ရုံးက ပြုံယမ်းမြို့ မြောက်ဘက် တောင်ချန်းရီဒေသကနေ ပစ်လွှတ်ခဲ့တာဖြစ်ကြောင်းနဲ့ သူတို့စစ်တပ်ဟာ အမေရိကန်နဲ့ အနီးကပ် ပူးပေါင်းပြီး အခြေအနေတွေကို မလွတ်တမ်း စောင့်ကြည့်နေတယ်လို့ သတင်း ထုတ်ပြန်ပါတယ်။
ဂျပန် ကာကွယ်ရေးဝန်ကြီးဌာနကလည်း သူတို့ ကမ်းခြေစောင့်တပ်တွေ အနေနဲ့ မြောက်ကိုရီးယားရဲ့ ပဲထိန်းဒုံး ကျည်တွေ ရေပိုင်နက်ထဲ ကျလာနိုင်လို့ သတိပေးချက် ထုတ်ပြန်ခဲ့ပေမယ့် ကျရောက်လာတာကိုတော့ မမြင်တွေ့ ရသေးဘူးလို့ ဆိုပါတယ်။
ပြီးခဲ့တဲ့ ကြာသပတေးနေ့တုန်း ကလည်း မြောက်ကိုရီးယားဟာ အင်အား အကြီးဆုံး ဟွာဆောင်း-၁၇ တိုက်ချင်း ပစ်ဒုံးကျည်ကို ပင်လယ်ထဲ စမ်းသပ် ပစ်လွှတ်ခဲ့ပြီး အဲဒီမတိုင်ခင် ဒုံးကျည် စမ်းသပ်ပစ်လွှတ်မှု ၂ ကြိမ်လည်း လုပ်ခဲ့သေးလို့ ကုလသမဂ္ဂ လုံခြုံရေးကောင်စီမှာ တားမြစ်ထားတဲ့ ဟွာဟောင်း-၁၇ ပစ်ခတ်မှုအတွက် အစည်း အဝေးလုပ်ဖို့ စီစဉ်နေကြောင်းလည်း သိရပါတယ်။
မြောက်ကိုရီးယား အစိုးရပိုင် မီဒီယာ KCNA က အမေရိကန်နဲ့ တောင်ကိုရီးယားတို့ ကိုရီးယားကျွန်းဆွယ်ပေါ် စစ်ရေး လေ့ကျင့်မှု လုပ်ခြင်းဟာ အနီရောင်စည်းကျော်ဖို့ နီးစပ်သထက် နီးစပ်နေတာကြောင့် စစ်တပ်အားလုံး စစ်ပွဲကြီးအတွက် အသင့်ပြင်ထားဖို့ ခေါင်းဆောင် ကင်ဂျုံအန်က အမိန့်ပေး စေခိုင်းထားပြီး စစ်ပွဲအတွက် လေ့ကျင့်မှု အားလုံးကို ပြင်ဆင်နေတာ ဖြစ်တယ်လို့ ထုတ်ပြန်သွားခဲ့ပါတယ်။
Ref: trtworld
MKF-001
#MeKongNews
#မြောက်ကိုရီးယား
#ကုလသမဂ္ဂလုံခြုံရေးကောင်စီ
#ဟွာဟောင်း-၁၇