မဲခေါင်၊ မတ် ၂၃
မြန်မာနိုင်ငံမှ နိုင်ငံရပ်ခြား ပညာသင်သွားဖို့ ပြင်ဆင်ကြရာမှာ လူကြိုက်အများဆုံး စာမေးပွဲ တစ်ခု ဖြစ်တဲ့ IELTS ဖြေဆိုရာမှာ အသံလုံနားကြပ်တွေ အသုံးပြု IELTS on Paper Exam ဖြေဆိုရတော့မယ်လို့ Chindwin-PSB IELTS Test Centre မှဖော်ပြထားပါတယ်။
IELTS ဖြေဆိုရာမှာ အပိုင်း ၄ ပိုင်းပါဝင်ပြီး ၂ ကြိမ် ဖြေဆိုရမှာဖြစ်ကာ Listening ၊ Reading နဲ့ Writing ကို တစ်ရက်တည်း ဖြေဆိုနိုင်ပြီး Speaking ကိုတော့ တစ်ပတ်အတွင်း ဖြေဆိုရတယ်လို့ ကျောင်းသား၊ ကျောင်းသူတွေက ပြောပါတယ်။
စာမေးပွဲ ဖြေရာမှာ နည်း ၂ နည်းနဲ့ ဖြေဆိုနိုင်သလို စာရွက်နဲ့ ဖြေဆိုခြင်း-Paper Based IELTS test နဲ့ ကွန်ပြူတာနဲ့ ဖြေဆိုခြင်း-Computer Based IELTS test တို့ ဖြစ်တယ်လို့ သိရပါတယ်။
“ကျွန်တော် IELTS ဖြေတုန်းက MICT ဝန်းထဲက ဟောခန်းထဲ လူအများကြီးနဲ့ အတူတူ ဖြေရတယ်။ Speaking ကတော့ တခြားရက်မှာ ဖြေဆိုရတာ အကြားစွမ်းရည် ဖြေတဲ့အခါ ပြဿနာက အသံချဲ့စက်တွေမှာ တချို့ဟာတွေက အဆင်မပြေဘူး။ ဝေးနေတာလည်းပါမယ်။ အသံအရည်အသွေးက တော်တော် အဆင်မပြေဘူး။ ဗလုံးဗထွေးလိုမျိုး ဖြစ်နေတော့ လိုက်နားထောင်ရင်း လွတ်ကုန်ရော။ အဲဒါနဲ့ Listening က ထင်သလောက် အမှတ် မရလိုက်ဘူး” လို့ ဖြေဆိုခဲ့တဲ့ ကျောင်းသား တစ်ဦးက ပြောပါတယ်။
IELTS ဖြေဆိုနိုင်မယ့် အမျိုးအစား ၂ မျိုးရှိပြီး IELTS Academic နဲ့ IELTS General Training ဖြစ်သလို ကျောင်းရွေးချယ်တာနဲ့ ပညာသင်ဆု ဖြေဆိုရာတွင် IELTS Academic ကို ရွေးချယ် ဖြေဆိုရတာ ဖြစ်ပါတယ်။
“အခု ပြည်တွင်းမှာဆို ပြည်ပထွက်ပြီး ပညာသင်ကြတဲ့ ကျောင်းသားတွေလည်း များလာတယ်။ အဲဒီတော့ ဘာသာစကား ကျွမ်းကျင်ဖို့ မဖြစ်မနေ လိုအပ်တယ်။ ဘယ်လို Test Preparation တွေ ပြင်ဆင်ရမလဲ။ ကိုယ် သွားမယ့် ပညာရေး လမ်းကြောင်းကို ရွေးချယ်ပြီး ဘယ်လိုပုံစံ လေ့လာရမလဲ ဆိုတာ သိထားဖို့ လိုအပ်တယ် ” လို့ ဆရာ တစ်ဦးက ပြောပါတယ်။
IELTS စာမေးပွဲဖြေဆိုရာမှာ British Council နဲ့ Chindwin-PSB ဆိုတဲ့ Test Center ၂ ခုရှိပြီး ဘယ် Test center မှာမဆို ဖြေဆိုနိုင်သလို အသိအမှတ်ပြုမှု အတူတူဖြစ်တယ်လို့ သိရပါတယ်။
အဖြေလွှာနဲ့ ဖြေဆိုရတဲ့ (IELTS on Paper) စာမေးပွဲကို ရန်ကုန်မြို့ နဲ့ မန္တလေးမြို့တွေမှာ ဖြေဆိုနိုင်သလို ကွန်ပျူတာနဲ့ ဖြေဆိုရတဲ့ (IELTS on Computer) စာမေးပွဲကို လက်ရှိ ရန်ကုန်မြို့မှာ ဖြေဆိုနိုင်တယ်လို့ ပြည်တွင်း၊ ပြည်ပ ပညာရေး ဝန်ဆောင်မှု ပေးနေတဲ့သူ တစ်ဦးက ပြောပါတယ်။
နိုင်ငံတကာ အင်္ဂလိပ်ဘာသာ စကား စွမ်းရည် စစ်ဆေးမှုစနစ်-IELTS စာမေးပွဲ အရင်နှစ်က ၃ ဒသမ ၅ သန်းကျော် ကျင်းပ စစ်ဆေးခဲ့ပြီး အဖွဲ့အစည်းများ၊ အလုပ်ရှင်များ၊ ရွှေ့ပြောင်း နေထိုင်မှုဆိုင်ရာ အာဏာပိုင်တွေနဲ့ တက္ကသိုလ်ကျောင်းပေါင်း တစ်သိန်းကျော်က လက်ခံထားတဲ့ စနစ်တစ်ခု ဖြစ်ပါတယ်။
MK-010