မဲခေါင်၊ မတ် ၉
ရှမ်းပြည်မြောက်ပိုင်း၊ ကျောက်မဲမြို့အခြေချ စစ်ကောင်စီရဲ့အမြောက်တပ်က နောင်ချိုမြို့နယ် သံဘိုကျေးရွာမှာ ရှိတဲ့ TNLA စခန်းကို မနေ့ မတ် ၈ ရက်မှာ လက်နက်ကြီးနဲ့ပစ်ခတ်ခဲ့တယ်လို့ သတင်းရင်းမြစ်တွေထံက သိရပါတယ်။
ကျောက်မဲမှာရှိတဲ့ စစ်ကောင်စီအမြောက်တပ်က လက်နက်ကြီးနဲ့ ချက်ရေ ၉ ချက်ခန့်ပစ်ခတ်ခဲ့ကာ TNLA စခန်းအနီးကျရောက်ပေါက်ကွဲခဲ့တယ်လို့ သိရပါတယ်။
သံဘိုရွာမှာတော့ ဒေသခံတွေဟာ ၁၀၂၇ စစ်ဆင်ရေးကာလဲက ထွက်ပြေးတိမ်းရှောင်ခဲ့ကြလို့ ရွာခံတွေမရှိကြပေမယ့် TNLA က တပ်စွဲစခန်းဆောက်ထားတာလို့ သိရပါတယ်။
စစ်ကောင်စီရဲ့ ကျောက်မဲအမြောက်တပ်ဟာ နောင်ချိုနယ်ထဲက သုံးဆယ်၊ ဆမ္မဆယ်၊ ဟိုခို၊ သံဘိုစတဲ့ ကျေးရွာတွေဆီ နေ့စဉ်လိုလို လက်နက်ကြီးနဲ့ ပစ်ခတ်နေတာဟာ ၁၀၂၇ စစ်ဆင်ရေး ဟိုင်ဂင်သဘောတူညီချက်ရခဲ့တဲ့ ဇန်နဝါရီလ ၁၁ ရက်နောက်ပိုင်းကတဲကဖြစ်တယ်လို့
သတင်းရင်းမြစ်တွေဆီက သိရပါတယ်။
လက်ရှိမှာလည်း TNLA သိမ်းပိုက်ထားတဲ့ မြို့ ၃မြို့ကို စစ်ကောင်စီက စစ်အုပ်ချုပ်ရေးကြေညာခဲ့သလို TNLA အပါအဝင် မြောက်ပိုင်းမဟာမိတ် ၃ ဖွဲ့ကလည်း ဟိုင်ဂင်သဘောတူညီချက်ကို အကောင်အထည်ဖော်ဖို့ ခက်ခဲလိမ့်မယ်လို့ ထုတ်ပြန်ထားပါတယ်။
MK-012