မဲခေါင်၊ ဧပြီ ၃၀
တနင်္သာရီတိုင်း ထားဝယ်လမ်းပိုင်းမှာ တော်လှန်ရေးတပ်တွေနဲ့ စစ်ကောင်စီတပ်တွေ တိုက်ပွဲပြင်းထန်နေလို့ ပိုဆိုး ဝါးလာရင် စစ်ဇုန်ထဲရောက်နေတဲ့ ထိုင်းနိုင်ငံသားတွေကို ကယ်တင်ဖို့ ထိုင်းလေတပ်က စစ်သင်္ဘော ၄ စီးကို အန်ဒမန်ပင်လယ်ကမ်းရိုးတန်းမှာ အသင့် ချထားပြီဖြစ်ပါတယ်။
ထိုင်းရေတပ် တပ်ချုပ်အဒန်းပန်လမ်က အန်ဒမန်ကမ်းခြေပိုင်နက်ကို ထိုင်းအမှတ် (၃) ရေတပ်က တာဝန်ရှိလို့ HTMS Saiburi ၊ HTMS Prachuap Khiri Khan အမည်ရ တိုက်သင်္ဘော ၂ စီးနဲ့ HTMS Mannok နဲ့ HTMS Mattaphon အမည်ရ ကမ်းတက်သင်္ဘော ၄ စီးကို အသင့်စောင့် ဆိုင်းခိုင်းထားတာဖြစ်တယ်လို့ ဆိုပါတယ်။
ဘန်ကောက်ပို့စ်သတင်းရဲ့ ဖော်ပြမှုမှာ စစ်ကောင်စီတပ်သား ၂၀ ရှိတဲ့ စခန်းကို တော်လှန်ရေးတပ်သား ၁၂၀ ကျော် ဝင်တိုက်ပြီး ၂ ရက်အကြာမှာ စခန်းရသွားပြီး မီးရှို့ဖျက်ဆီးတဲ့ မီးခိုးလုံးတွေကို ထိုင်းဘက်ခြမ်း ကန်ချနာဘူရီခရိုင်၊ ဆိုင်ယော့ခရိုင်ခွဲက မြင်ရတယ်လို့ ဖော်ပြသွားပါတယ်။
ဒီသတင်းမှာ ထိုင်းကို MOU နဲ့သွားရောက်အလုပ်လုပ်ဖို့ နှစ်နိုင်ငံသဘောတူညီချက် ဘောင်ဝင်တဲ့ မြန်မာ ရွှေ့ပြောင်းလုပ်သားတွေဟာ နယ်စပ်ကုန်းမြေဆက်စပ်ဧရိယာတွေမှာ တိုက်ပွဲတွေဖြစ်ပွားနေလို့ လေကြောင်း ဒါမှမဟုတ် ရေကြောင်းနဲ့လာဖို့ မြန်မာစစ်ကောင်စီဘက်က ကမ်းလှမ်းလို့ လာရောက်ခွင့်တွေပြုထားတယ်လို့ ဆိုပါတယ်။
ဒါကြောင့် ကနဦး နယ်စပ်ကုန်မြေဖြတ်ကျော်လာဖို့ စီစဉ်ထားသူတွေထဲက ၅၅၄၇ ယောက်စာ လေယာဉ်နဲ့လာဖို့ စာရင်းပေးထားကြောင်း၊ ဒါပေမဲ့ ဒွန်မောင်းလေဆိပ်ကိုလာရောက်မယ့် မြန်မာလုပ်သားတွေဟာ လေဆိပ် လ၀က ကို ကြိုတင်အကြောင်းကြာဖို့လိုတယ်လို့လည်း ဖော်ပြသွားပါတယ်။
Ref:Bangkokpost
