မဲခေါင်၊ ဧပြီ ၃၀
ရှမ်းပြည်တောင်ပိုင်း၊ ဆီဆိုင်မြို့နယ်၊ ၀ိန်းလုံကျေးရွာကို စစ်ကောင်စီက မနေ့ ဧပြီ ၂၉ မှာ လက်နက်ကြီးတွေ ဒရုန်းတွေနဲ့ ပစ်ခတ်တိုက်ခိုက်တာကြောင့် ဒေသခံတွေ ထွက်ပြေးတိမ်းရှောင်ရတယ်လို့ PNLA က ယနေ့ ဧပြီလ ၃၀ ရက် မှာ ထုတ်ပြန်ပါတယ်။
ယမန်နေ့ ညနေ ၃ နာရီခန့်မှာ စစ်ကောင်စီနဲ့လက်အောက်ခံ PNO ပြည်သူ့စစ်တို့ဟာ ၀ိန်းလုံကျေးရွာအတွင်းကို ဒရုန်းနဲ့ ၄ ကြိမ် ၊ လက်နက်ကြီးနဲ့ ၂ ကြိမ် ပစ်ခတ်တိုက်ခိုက်ခဲ့သလို ကျေးရွာပတ်ဝန်းကျင်ကိုလဲ ဒရုန်းနဲ့ ၆ ကြိမ် တိုက်ခိုက်ခဲ့တယ်လို့ ဆိုပါတယ်။
အခုလို တိုက်ခိုက်မှုတွေကြောင့် ကျေးရွာအတွင်းက ဒေသခံတွေ ကြောက်ရွံ့ထိတ်လန့်ကာ ထွက်ပြေးတိမ်းရှောင်နေကြရတယ်လို့ သိရပါတယ်။
ပြီးခဲ့တဲ့ ဧပြီလ ၂၅ ရက် ရက်နေ့က ဆီဆိုင်မြို့နယ်၊ နမ့်တောင်းကျေးရွာအနီး တောင်ယာတဲကို လက်နက်ကြီးနဲ့ပစ်ခတ်လို့ တောင်ယာအတွင်းက မိသားစုဝင် ၃ ဦး ထိခိုက်ဒဏ်ရာ ရရှိခဲ့ပါတယ်။
MK-012