မဲခေါင်၊ ဇူလိုင် ၁၅
မြန်မာ့အရေး သူ့နည်းသူ့လမ်း ဖြေရှင်းရေး တရုတ်ဘက်က တိုက်တွန်းအားပေးကြောင်း ထိုင်းနိုင်ငံခြားရေး ဝန်ကြီး ဒွန်ပရာမက်ဝီနိုင်း က ထုတ်ဖော ်ပြောဆိုသွားပါတယ်။
ဇူလိုင် ၉ ရက်နေ့မှာ မြန်မာနိုင်ငံကို လာပြီး စစ်ကောင်စီ ဖမ်းဆီး ထောင်ချထားတဲ့ ဒေါ်အောင်ဆန်းစုကြည်နဲ့ တွေ့ဆုံခဲ့ပါတယ်လို့ ပြောကြားခဲ့တဲ့ ထိုင်းဒုတိယဝန်ကြီးချုပ်လည်းဖြစ် နိုင်ငံခြားရေးဝန်ကြီးလည်းဖြစ်တဲ့ ဒွန်ပရာမက်ဝီနိုင်း ဟာ ဇူလိုင် ၁၄ ရက်နေ့မှာ တရုတ်ထိပ်တန်း သံတမန် ဝမ်ယိ(နိုင်ငံခြားရေးဝန်ကြီးဟောင်း) နဲ့ ထပ်မံတွေ့ဆုံခဲ့ကြောင်း တရုတ်အစိုးရ မီဒီယာ စင်ဟွာက ရေးသားဖော်ပြခဲ့ပါတယ်။
လာဒွန်ပရာမက်ဝီနိုင်း က ထိုင်း-တရုတ် ၂ နိုင်ငံ ဆက်ဆံရေး အမြင်ဖလှယ်ဖို့ ၂ နိုင်ငံအကြား နယ်ပယ်အသီးသီးမှာ ဘက်စုံ ပူးပေါင်းဆောင်ရွက်ဖို့နဲ့ ပိုမိုနီးကပ်စွာ အမြင်ဖလှယ်ရေးတို့အတွက် ဆွေ့ဆုံ ဆွေးနွေးခဲ့ကြောင်း၊ ဒါအပြင် မြန်မာ့အရေး အတွက်လည်း အဓိကထား ဆွေးနွေးခဲ့တယ်လို့ ဒီသတင်းမှာ ဖော်ပြခဲ့ပါတယ်။
ဒွန်ပရာမက်ဝီနိုင်းက သူ မကြာသေးမီက မြန်မာနိုင်ငံကို သွားရောက်ခဲ့တဲ့ အတွေ့အကြုံတွေကို ရှင်းပြသလို တရုတ်ဟာ မြန်မာ့အရေးမှာ အဓိကကျတဲ့ အခန်းကဏ္ဍကနေ ဆက်လက်ပါဝင်ကူညီပေးမယ်လို့ မျှော်လင့် ကြောင်း၊ တရုတ်ဟာ မြန်မာ့အရေး သူ့နည်းသူ့လမ်းနဲ့ အဖြေရှာမှုအပေါ် အာဆီယံက ထောက်ခံအားပေးဖို့ကို လည်း လိုလားကြောင်း၊ ပြည်ပ စွက်ဖက်မှုတွေကင်းပြီး သက်ဆိုင်သူ အားလုံး လက်ခံနိုင်တဲ့ လမ်းပြမြေပုံနဲ့ ပူးပေါင်း ဆွေးနွေး အဖြေရှာသွားဖို့ကို ထောက်ခံပြောဆိုခဲ့ကြောင်း ဒီသတင်းမှာ ထည့်သွင်း ဖော်ပြခဲ့ပါတယ်။
MKF-001
#MekongNews
#ဒေါ်အောင်ဆန်းစုကြည်
#ဝမ်ယိ
#ဒွန်ပရာမက်ဝီနိုင်
Ref: people.cn