မဲခေါင်၊ စက်တင်ဘာ ၂၀

ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ ယူနက်စ်ကိုဟာ စက်တင်ဘာ ၁၉ ရက်နေ့မှာ ထိုင်းနိုင်ငံ မြောက်ပိုင်း ပက်ချာဘန်းခရိုင် ရှေးဟောင်းမြို့တော် စီသပ် (Si Thep) မြို့ကို ကမ္ဘာ့ရှေးဟောင်းအမွေအနှစ် စာရင်းဝင်နယ်မြေအဖြစ် သတ်မှတ်ကြောင်း ကြေညာသွားခဲ့ပါတယ်။

ဒီမြို့မှာ နာမည်ကြီး ဒါရဝတီရုပ်ပွားတော်ကြီးလည်း ရှိပြီး Si Thep မြို့ဟာ ထိုင်းနိုင်ငံရဲ့ ၇ ခုမြောက် ယူနက်စ်ကို ရှေးဟောင်းကမ္ဘာ့အမွေအနှစ် နယ်မြေဖြစ်လာပါတယ်။

အယုဒ္ဓယ၊ ဆူခိုထိုင်း၊ သောင်းရိုင်ဟွိုင်းခါကေရမ်း တောရိုင်းတိရစ္ဆာန်ဘေးမဲ့တော၊ ဘန်ချိုင်း ရှေးဟောင်းနယ်မြေ၊ ဒွန်းဖာရာယမ် ခိုရိုင်သစ်တော၊ ကန်ကရာချန် သစ်တောနယ်မြေတွေဟာ အရင်ကတည်းက ယူနက်စကို ကမ္ဘာ့ ရှေးဟောင်းအမွေအနှစ်စာရင်းဝင်ခဲ့ပြီးသားဖြစ်ပါတယ်။

Si Thep မြို့ဟောင်းကို ဆော်ဒီနိုင်ငံ ရီယက်ဒ်မြို့မှာ စက်တင်ဘာ ၁၉ ရက်နေ့က ကမ္ဘာ့အမွေအနှစ်ကော်မတီ ၄၅ ကြိမ်မြောက် အစည်းအဝေးပွဲမှာ သတ်မှတ်ပေးခဲ့တာဖြစ်ပြီး ဒါရဝတီရုပ်ပွားတော်ကြီးဟာ ဒါရဝတီအင်ပါယာ ခေတ်ကတည်းက အိန္ဒိယလက်ရာတွေနဲ့ ၆ ရာစုကနေ ၁၀ ရာစုအတွင်း ထူထောင်ခဲ့တဲ့ မြို့လို့ သိရပါတယ်။

ထိုင်းဝန်ကြီးချုပ်သစ်က ဒီလို ယူနက်စ်ကို ရှေးဟောင်းကမ္ဘာ့အမွေအနှစ်အဖြစ် Si Thep မြို့ဟောင်းကို သတ်မှတ်ခံရတာ ထိုင်းနိုင်ငံသားတိုင်းအတွက် အထူး ဂုဏ်ယူဝမ်းမြောက်ဖွယ်ရာဖြစ်တယ်လို့ ထုတ်ပြန်သွားပါတယ်။

Ref: bernama
MKF-001

#MeKongNews

#အမွေအနှစ်

#ထိုင်း

#စီသပ်

#ယူနက်စကို

#၇ခုမြောက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)