မဲခေါင်၊ ဒီဇင်ဘာ ၁၁

ဒီဇင်ဘာ ၁၀ ရက်မှာကျရောက်တဲ့ ၇၅ နှစ်မြောက် အပြည်ပြည်ဆိုင်ရာ လူ့အခွင့်အရေးနေ့အထိမ်းအမှတ် အခမ်းအနားကို ထိုင်းနိုင်ငံတနေရာမှာ မနက် ၈ နာရီခွဲကနေ နေ့လယ် ၁ နာရီထိ ကျင်းပပြုလုပ်ခဲ့ပါတယ်။

အခမ်းအနားမှာ New Myanmar Foundation က ဒေါက်တာစန်းအောင်က အဖွင့်အမှာစကားပြောခဲ့ပြီး ကရင်အမျိုးသားအစည်းအရုံး တာဝန်ရှိသူတဦး လူ့အခွင့်အရေးနေ့အထိမ်းအမှတ် အမှတ်တရစကားပြောခဲ့ပါတယ်။

အဲ့ဒီနောက် လူ့အခွင့်အရေးနေ့အထိမ်းအမှတ်အဖြစ် NUG လူအခွင့်အရေးဝန်ကြီး ဦးအောင်မျိုးမင်း၊ NUG တရားရေးဝန်ကြီး ဦးသိန်းဦး ဒေါက်တာ စင်သီယာမောင် တို့က ဗီဒီယိုမက်ဆေ့ချ်ပေးပို့ပြီး အမှတ်တရစကားပြောခဲ့ပါတယ်။

ဒါ့အပြင် မိတ်ဘက်အဖွဲ့အစည်းတွေက ဂုဏ်ပြုစကားပြောတာ၊ လူ့အခွင့်အရေး စည်းရုံးလှုံ့ဆော်မှု၊ အသိပညာပေးမှု၊ ကာကွယ်ပေးမှုဆိုင်ရာ အတွေ့အကြုံမျှဝေဖလှယ်တာ၊ လူ့အခွင့်အရေးနေ့အထိမ်းအမှတ် ရုပ်ရှင်ပြသတာနဲ့ လူ့အခွင့်အရေးသင်တန်းသားတဦးရဲ့ သဘောထားအမြင်မျှဝေတာတွေ ပြုလုပ်ခဲ့ပါတယ်။

မြန်မာနိုင်ငံက စစ်အုပ်စုရဲ့ လူ့အခွင့်အရေးချိုးဖောက်နေမှုတွေကို နိုင်ငံတကာအဖွဲ့အစည်းတွေက သိရှိစေနိုင်ဖို့နဲ့ လူ့ဂုဏ်သိက္ခာနဲ့အညီ လွတ်လပ်မျှတခြင်းတွေရဖို့အတွက် အသိပညာပေးခြင်း၊ မှတ်တမ်းတင်ခြင်း၊ စည်းရုံးလှုံ့ဆော်ခြင်း ကာကွယ်ပေးခြင်းလှိုင်းတွေနဲ့အတူ ချီတက်ဖို့ ဒီနေ့အခမ်းအနားဖြစ်မြောက်ရေးကော်မတီက တိုက်တွန်းထားပါတယ်။

အခုနှစ် လူ့အခွင့်အရေးနေ့ကို “ လူ့ဂုဏ်သိက္ခာနှင့်အညီ လွတ်လပ်မျှတခြင်းဆီ လှိုင်းများနဲ့အတူချီ” ဆောင်ပုဒ်နဲ့ ကမ္ဘာတဝှမ်းမှာကျင်းပနေကြတာလည်းဖြစ်ပါတယ်။

MK – 009

#MeKongNews

#ထိုင်း

#လူ့ခွင့်ရေး

#ကျင်းပ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)