မဲခေါင်၊ မေ ၅
ရှမ်းပြည်နယ် တောင်ပိုင်းနဲ့ ကရင်နီပြည် နယ်စပ်၊ တောင်စလုံးကျေးရွာမှာ မေလ ၃ ရက်နေ့ တိုက်ပွဲ အတွင်း ကျဆုံးခဲ့ရတဲ့ ရဲဘော် ၂ ဦးရဲ့ ဈာပနကို မနေ့က ပြုလုပ်ပေးခဲ့တယ်လို့ KNDF တပ်ရင်း (၁၁) က ထုတ်ပြန်ပါတယ်။
တောင်စလုံးကျေးရွာမှာ တပ်စွဲထားတဲ့ စစ်ကောင်စီတပ်ကို မေလ ၃ ရက်က ဝင်ရောက်တိုက်ခိုက်ခဲ့တဲ့ တိုက်ပွဲ အတွင်း ကျဆုံးခဲ့ရတဲ့ ရဲဘော်စန်းမိုးကျော်နဲ့ ရဲဘော်တင်အောင်မျိုး တို့ကို မနေ့က ကောင်းမွန်စွာ သင်္ဂြိုဟ်ပေးခဲ့ပြီး စစ်အာဏာရှင်စနစ် အမြစ်ပြတ် ချေမှုန်းရေး၊ တန်းတူ အခွင့်အရေး၊ ဖက်ဒရယ်ဒီမိုကရေစီ တို့အတွက် တိုက်ပွဲဝင်ခဲ့တဲ့ အာဇာနည် သူရဲကောင်းအဖြစ် မှတ်တမ်းတင်မယ်လို့ KNDF တပ်ရင်း (၁၁) က ပြောပါတယ်။
ရှမ်း-ကရင်နီ နယ်စပ်မှာ ဖေဖော်ဝါရီလ ၂၄ ရက်ကနေ လက်ရှိ အချိန်ထိ ၂ လကျော်ကြာ တိုက်ပွဲတွေ နေ့စဉ် ဖြစ်ပွားနေပြီး တိုက်ပွဲကာလ ကြာမြင့်လာတာနဲ့အမျှ ခဲယမ်း၊ စားနပ်ရိက္ခာ၊ ဆေးဝါးနဲ့ စက်သုံးဆီ လိုအပ်နေလို့ ပြည်သူတွေ အနေနဲ့ တတ်အားသမျှ ပါဝင်ကူညီပေးဖို့ ထုတ်ပြန်ချက်မှာ မေတ္တာရပ်ခံ ထားပါတယ်။
MK-007
#MeKongNews
#ရှမ်း-ကရင်နီ
#KNDF
#ကျဆုံး