မဲခေါင်၊ အောက်တိုဘာ ၁၂
နိုင်ငံအတွင်း ဝင်ရောက်ကျူးကျော် သတ်ဖြတ်မှုတွေလုပ်ခဲ့သလို ခန့်မှန်းခြေ လူပေါင်း ၁၅၀ ကို ပြန်ပေးဆွဲသွားတဲ့ ပါလက်စတိုင်းရဲ့ ဟားမက်စ်တွေအပေါ် အမြစ်ဖြတ်တိုက်သွားမှာဖြစ်ပြီး ဓားစာခံတွေ ပြန်မလွှတ်မချင်း လူသားချင်းစာနာမှု စံနှုန်းကိုမကျင့်သုံဘဲ ဂါဇာကို မီးနဲ့ရေပါ ဖြတ်ထားမယ်လို့ အစ္စရေး စွမ်းအင်ဝန်ကြီး အစ္စရေးကတ်ဇ်က ရာဇသံပေးပြောကြားသွားပါတယ်။
နေ့စဉ်ရက်ဆက် အစ္စရေးဘက်က ဂါဇာကိုလေကြောင်း တိုက်ခိုက်မှုတွေ အလုံးအရင်း လုပ်နေသလို West Bank မြို့ ဂျန်နင်ကိုပါ ဝင်ရောက်စီးနင်းထားပြီဖြစ်ပါတယ်။
ဂါဇာက ဆေးရုံတွေပေါ်မှာ မီးမရသလို အရေးပေါ် မီးစက် တွေဟာလည်း ဆီမရှိတော့လို့ ဓာတ်မှန်ရိုက်မှု၊ အောက်ဆီဂျင်ပေးမှု၊ ဖန်ပေါင်းချောင်ထဲ ကလေးတွေထားရှိမှု အားလုံး ရပ်တန့်ကာ သေဆုံးဒဏ်ရာရသူတွေ ပုံထပ်နေကြောင်း၊ ဆေးရုံက ရင်ခွဲရုံလိုဖြစ်နေပြီ ဖြစ်ကြောင်း ကမ္ဘာ့ကြက်ခြေနီအဖွဲ့က ပြောဆိုပြီး လူသားချင်းစာနာမှုအကူအညီတွေပေးဖို့၊ မီးတွေ၊ရေတွေ ပြန်ပေးဖို့ တောင်းပန်ခဲ့ပါတယ်။
ဒါပေမဲ့လည်း အစ္စရေးကတ်ဇ်က “လူသားချင်းစာနာမှုအကူအညီ ဟုတ်လား။ သူတို့ပြန်ပေးဆွဲသွားတဲ့သူတွေ အကုန်ပြန်မလွှတ်မချင်း မီးလည်းမရဘူး။ ရေလည်းမပေးဘူး။ ဆီကားတွေလည်း ဝင်ခွင့်မပြုနိုင်ဘူး။ လူသားချင်း စာနာမှုအတွက် လူသားချင်းစာနာမှုမျိုးပဲ။ ငါတို့ကျင့်ဝတ်ကို ဘယ်သူကမှ လာဝင်ဟောပြောမနေသင့်ဘူး” လို့ X (Twitter) မှာ အောက်တိုဘာ ၁၂ ရက်နေ့က ရေးတင်သွားပါတယ်။
Ref: aawsat
MKF-001
#MeKongNews
#အစ္စရေး
#ဂါဇာ
#ဟားမက်စ်
#စာနာမှု
#ပါလက်စတိုင်း
