မဲခေါင်၊ ဇန်နဝါရီ ၂၄
အမျိုးသား ညီညွတ်ရေးအစိုးရ၊ တောင်ပိုင်းစစ်ဒေသကွပ်ကဲရေး၊ အထူးစစ်ဆင်ရေးတပ်ဖွဲ့-S.O.F ရဲ့ အထူးစစ်ဆင်ရေးတပ်ဖွဲ့ ဦးစီးတာဝန်နဲ့ အခြေခံရုံးလုပ်ငန်း အလုပ်ရုံ ဆွေးနွေးပွဲ တတိယအကြိမ် ပြုလုပ်ခဲ့တယ်လို့ သိရပါတယ်။
မနေ့က မနက် ၇ နာရီမှ ညနေ ၃ နာရီအထိ အထူးစစ်ဆင်ရေးတပ်ဖွဲ့ – S.O.F တပ်ဖွဲ့ရုံး/တပ်ရင်း/တပ်ခွဲ ခေါင်းဆောင် တွေနဲ့ ရုံးအဖွဲ့ဝင်တွေကို တပ်ဖွဲ့ရုံးချုပ်သို့ ဖိတ်ခေါ်ပြီး ဦးစီးတာဝန်နဲ့ အခြေခံရုံးလုပ်ငန်း အလုပ်ရုံ ဆွေးနွေးပွဲကို တတိယအကြိမ် ကျင်းပ ပြုလုပ်ခဲ့တာပါ။
ပထမအကြိမ် ဆွေးနွေးပွဲကို ၂၀၂၂ ခုနှစ် ဇူလိုင်၂ ရက်မှ ၄ ရက်နေ့အထိ ၃ ရက်ပြုလုပ်ခဲ့ပြီး ဒုတိယအကြိမ်ဆွေးနွေးပွဲကို ၂၀၂၃ ခုနှစ် ဒီဇင်ဘာ ၁၇ ရက်မှ ၃၁ ရက်အထိ ပြုလုပ်ခဲ့တယ်လို့ သိရပါတယ်။
အလုပ်ရုံဆွေးနွေးပွဲမှာ MOD ရဲ့ ဖွဲ့စည်းပုံနဲ့ မူဝါဒတွေ၊ S.O.F ရဲ့ ရုံးအဖွဲ့တွေ ဖွဲ့စည်းတာ၊ တာဝန်ဝတ္တရားတွေ တပ်တွင်းစည်းမျဥ်းစည်းကမ်းတွေ၊ ရုံးလုပ်ငန်းစဥ်တွေ၊ ဆက်သွယ်ရေး၊ ထောက်လှမ်းရေး စတာတွေကို ဆွေးနွေး အတည်ပြုခဲ့ကြတယ်လို့ ဆိုပါတယ်။
တတိယအကြိမ် ဆွေးနွေးပွဲသို့ ရှေ့တန်းစစ်ကြောင်းထွက်ခေါင်းဆောင်တွေမှလွဲပြီး တပ်ရင်း တပ်ခွဲတွေမှ တပ်ဖွဲ့ဝင်ခေါင်းဆောင် ၂၀ ဦးတက်ရောက်ခဲ့ကြတယ်လို့ သိရပါတယ်။
MK-003
