မဲခေါင်၊ ဖေဖော်ဝါရီ ၁၄
ရှမ်းပြည်နယ် မြောက်ပိုင်း၊ ကျောက်မဲခရိုင်၊ သီပေါမြို့နယ်ရှိ မဏိရတနာစံဖိတ် ကျောင်းတိုက်မှာ မီးလောင်မှု ဖြစ်ပွားခဲ့ပြီး အိပ်ပျော်နေတဲ့ အသက် ၁၀ နှစ်အရွယ် ကိုရင် တစ်ပါး သေဆုံးမှု ဖြစ်ပွားခဲ့တယ်လို့ ဒေသခံတွေက မဲခေါင်သတင်းကို ပြောပါတယ်။
ဖေဖော်ဝါရီ ၁၃ ရက်နေ့ ည ၉ နာရီကျော်က စံဖိတ်ကျေးရွာရှိ မဏိရတနာစံဖိတ် ဘုန်းကြီးကျောင်းမှာ ဘုရားမီး ပူဇော်ရာက မီးလောင်ကျွမ်းမှု ဖြစ်ပွားခဲ့တာလို့ သီပေါမြို့ မီးသတ်ဌာနမှ တာဝန်ရှိသူ တစ်ဦးက ပြောပါတယ်။
ဘုရားမီး ပူဇော်ရာတွင် အောက်ခံမပါဘဲ ဆီမီးထွန်း ပူဇော်ရာမှ မီးလောင်းမှု ဖြစ်ပွားခဲ့တာဖြစ်ပြီး ကျောင်းအတွင်း အိပ်ပျော်နေတဲ့ ၁၀ နှစ်အရွယ်က ကိုရင်လေး မီးလောင် သေဆုံးခဲ့တာ ဖြစ်တယ်လို့ သူကပြောပါတယ်။
မီးလောင်မှု ဖြစ်ပွားခဲ့တဲ့ ဘန်းကြီးကျောင်းကို သီပေါမြို့ မီးသတ်စခန်းမှ သွားရောက် ငြိမ်းသတ်ခဲ့ပြီး ည ၁၀ နာရီခွဲကျော်မှာ မီးငြိမ်းသတ်နိုင်ခဲ့တယ်လို့ သိရပါတယ်။
MK-005
#MeKongNews
#သီပေါမြို့နယ် #မီးလောင် #စံဖိတ်ကျေးရွာ