ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ်မှ ကျောင်းသား/သူ ၅၂ဦးတွင် ဒီဇင်ဘာလ ၂၅ရက်က COVID-19ပိုးတွေ့ပြီး ၂ရက်အတွင်း ပိုးတွေ့ကျောင်းသား/သူ ၇၅ဦးရှိလာပြီဖြစ်ကြောင်း ဟိုပုံးမြို့နယ်ပြည်သူ့ဆေးရုံ၏ ထုတ်ပြန်ချက်အရ သိရသည်။
ဟိုပုံးမြို့နယ်၌ အသွားအလာကန့်သတ်စောင့်ကြပ်ကြည့်ရှုထားသူ ၁၁၀၀ ဦး၏ နှာခေါင်းတို့ဖက်များကို ယနေ့ RDT ဖြင့် စစ်ဆေးခဲ့ရာ ကျောင်းသား/သူ၅၂ ဦးတွင် COVID-19 ရောဂါပိုး တွေ့ရှိသည်ဟု ဟိုပုံးဆေးရုံက ထုတ်ပြန်ခဲ့ခြင်းဖြစ်သည်။
အဆိုပါပိုးတွေ့ရှိသူများသည် နောင်တောင်းပရဟိတဘုန်းတော်ကြီးသင်ပညာရေးကျောင်းမှ ကျောင်းသား/သူများဖြစ်သည်ဟုလည်း မဲခေါင်သတင်းဌာနမှ စုံစမ်းသိရှိရသည်။
အလားတူ ယမန်နေ့ ဒီဇင်ဘာလ ၂၄ ရက်တွင်လည်း ကျောင်းသား/သူ ၂၃ ဦး၊ ဒီဇင်ဘာလ ၂၁ရက်တွင် ကျောင်းသူတစ်ဦး၌ COVID-19 ပိုး တွေ့ခဲ့ပြီး ၎င်းတို့ကို သာသနာ့ဗိမ္မာန် Positive Center တွင် ထားရှိကြောင်းနှင့် လတ်တလောအခြေအနေအရ လူနာများမှာ ကျန်းမာရေး ကောင်းမွန်ကြောင်းကိုလည်း သိရသည်။