မဲခေါင်၊ ဇန်နဝါရီ ၁၅
တရုတ်အစိုးရဟာ ကိုဗစ်သက်တမ်း ၃နှစ်အတွင်း သေဆုံးသူ ၅၀၀၀ ကျော်သာရှိခဲ့တယ်လို့ တစ်ချိန်လုံး လိမ်လည်နေခဲ့ရာက ဇန်နဝါရီ ၁၄ ရက်နေ့မှာတော့ ပြီးခဲ့တဲ့ ဒီဇင်ဘာလနောက်ပိုင်းမှာတင် သေဆုံးသူ ၆၀၀၀၀ နီးပါးရှိခဲ့တယ်လို့ ဝန်ခံပြီး အစီရင်ခံတင်ပြသွားခဲ့ပါတယ်။
တရုတ်တာဝန်ရှိသူတွေက အိုမီခရွန်မျိုးခွဲက ထပ်ခွဲထွက်တဲ့ BA.5.2 နဲ့ BF.7 ဗိုင်းရပ်စ်တွေဟာ လက်ရှိ နိုင်ငံအတွင်း ပျံ့နှံ့နေတာဖြစ်ကြောင်းနဲ့ ဒီဇင်ဘာ ၈ ရက်ကနေ ဇန်နဝါရီ ၁၂ ရက်နေ့အထိ သေဆုံးသူပေါင်း ၅၉၉၃၈ ဦး ရှိခဲ့တယ်လို့ အစီရင်ခံခဲ့တာဖြစ်ပါတယ်။
တရုတ်အစိုးရဟာ ကိုဗစ်လုံး၀ကင်းရှင်းရေးပေါ်လစီကို ပယ်ဖျက်ပေးပြီး စီးပွားရေးနဲ့ ခရီးသွားလာမှုအားလုံး ပြန်ဖွင့်ပေးခဲ့ရာမှာ နိုင်ငံတွင်း ကိုဗစ်ကူးစက်မှုနှုန်းကြောက်ခမန်းမြင့်တက်နေလို့ နိုင်ငံအများစုက တရုတ်ကလာ သူတွေကို အထူးကိုဗစ်စည်းမျဉ်းတွေနဲ့ စစ်ဆေးနေပါတယ်။
ဒါကို တရုတ်အစိုးရက မကျေမနပ်နဲ့ ခွဲခြားဆက်ဆံ တယ်ဆိုပြီး တောင်ကိုရီးယားနဲ့ ဂျပန်ကို ကာလတိုဗီဇာ ပိတ်ကြောင်းကြေညာပြီး မကြာခင် ဂျပန်ကို ပြန်ဖွင့်ပေးခဲ့တယ်။
တရုတ်ဘက်က ဝန်ခံလာတဲ့အတွက် ကမ္ဘာ့ကျန်းမာရေအဖွဲ့ WHO အကြီးအကဲ အဒါနွန်ဂီဘရီယက်စ်ဆက်က အာရှအမျိုးသားကျန်းမာရေးကော်မရှင်ဒါရိုက်တာ တရုတ်နိုင်ငံသူ မာရှောင်ဝေနဲ့ ဇန်နဝါရီ ၁၄ ရက်က တွေ့ဆုံ စဉ် တရုတ်အစိုးရအနေနဲ့ ကိုဗစ်အချက်အလက်တွေကို အသေးစိတ်အတိအကျ မျှဝေပေးဖို့ တောင်းဆိုချက်ကို ထုတ်ပြန်သွားခဲ့ပါတယ်။
MKF – 001
Ref: alarabiya
#MeKongNews
