မဲခေါင်၊ ဇန်နဝါရီ ၂၆

ရှမ်းပြည်နယ်တောင်ပိုင်း၊ အင်းလေးဒေသ စံကားနဲ့ ထီးရီး၊ မှော်ဘီရွာတွေဘက်မှာ စစ်ကောင်စီနဲ့ PNO တွေ အင်အားဖြည့်နေပြီး ဒေသခံတွေနဲ့ခရီးသွားတွေကို အစစ်ဆေးကြမ်းလာကာ ထမင်းထုပ်တွေ ပိုမိုတောင်းခံလာတယ်လို့ သိရပါတယ်။

စစ်ကောင်စီလက်အောက်ခံ ပြည်သူ့စစ်အဖွဲ့ဖြစ်တဲ့ ပအို၀်းအမျိုးသားအဖွဲ့ချုပ် (PNO) က အင်းလေးဒေသမှာ တစ်အိမ် ထမင်းတစ်ထုပ်ပို့ခိုင်းရာကနေ လက်ရှိမှာတော့ တစ်အိမ် နှစ်ထုပ်စီ ထမင်းထုပ်ပို့ခိုင်းနေတယ်လို့လည်း သိရပါတယ်။

ခရီးသွားတွေကိုလည်း စစ်ဆေးမေးမြန်းတာတွေ ရမ်းကားနေပြီး၊ စစ်ဘေးရှောင်ဆိုလျှင် PDF များနဲ့ ပတ်သက်မှုရှိ၊ မရှိ စစ်ဆေးတာတွေ ကြမ်းတမ်းနေတယ်လို့ ခရီးသွားတစ်ယောက်က သူ့အတွေအကြုံကို ပြောပြပါတယ်။

စံကားရွာအထက်ပိုင်း တောင်ကြောများပေါ်မှာ PDF နဲ့ တော်လှန်ရေးအဖွဲ့များ ရောက်ရှိနေတယ်ဆိုတဲ့ သတင်းတွေကြောင့် အခုလို အင်းအားဖြည့်တင်းတာတွေ လုပ်ဆောင်လာတာဖြစ်နိုင်တယ်လို့ ဒေသခံတွေက သုံးသပ်ကြပါတယ်။

အင်းလေးဒေသနဲ့ မနီးမ၀ေးမှာရှိတဲ့ ဆီဆိုင်မြို့ကိုလည်း တော်လှန်ရေးပူးပေါင်းတပ်တွေက ထိန်းချုပ်ထားပြီး စစ်ကောင်စီဘက်ကလည်း လေကြောင်းနဲ့ ဗုံးကြဲနေလို့ တိုက်ပွဲများ ဒီနေ့မနက်ထိ ပြင်းထန်နေပါတယ်။

စစ်ကောင်စီဘက်ကလည်း အင်းလေးဒေသမှာ ပြည်သူ့စစ်စုဆောင်းတာတွေရှိပြီး ဒေသခံတွေကို စိုက်ပျိုးရေးစည်း၀ေးဟုဆိုကာ ရောက်ရှိမှ စစ်သားစုဆောင်းရေးကိစ္စ ဖြစ်နေကြောင်း သိရပါတယ်။

#Mk-012

#MeKongNews

#အင်းလေးဒေသ

#ပြည်သူ့စစ်

#စစ်သားစုဆောင်းရေး

#အစစ်ဆေးကြမ်း

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)