မဲခေါင်၊ နိုဝင်ဘာ ၃၀
ရှမ်းတောင် အခြေစိုက် ဖယ်ခုံ PDF နဲ့ မိုးဗြဲ PDF အပါအဝင် တော်လှန်ရေး အင်အားစုတွေ ပူးပေါင်းပြုလုပ်တဲ့ “ ကရင်နီတံခါး” ကမ်ပိန်း ပြည်သူတွေ ဝိုင်းဝန်း ကူညီပေးဖို့ ဖယ်ခုံ PDF ပြန်ကြားရေး တာဝန်ရှိသူက ဒီကနေ့ မေတ္တာရပ်ခံ လိုက်ပါတယ်။
ကရင်နီပြည်နယ်အတွင်း စစ်ကောင်စီ စစ်အင်အား ပို့ဆောင်ရာမှာ အဓိက အသုံးပြုတဲ့ ဖယ်ခုံ- မိုးဗြဲ လမ်းမကြီး ထိန်းချုပ်နိုင်ရေးနဲ့ လက်ရှိ ဖော်ဆောင်နေတဲ့ “၁၁၁၁ စစ်ဆင်ရေး” ကို ထောက်ပံ့နိုင်ဖို့ ဒီကမ်ပိန်း ပြုလုပ်ရတာ ဖြစ်တယ်လို့ ဆိုပါတယ်။
“ အဓိကတော့ ‘၁၁၁၁ စစ်ဆင်ရေး’ ကို ပါဝင်အားဖြည့်ဖို့နဲ့ ဖယ်ခုံ- မိုးဗြဲ လမ်းမကြီးကို ထိန်းချုပ်နိုင်ရေး အတွက်ပါ” လို့ သူကရှင်းပြပါတယ်။
ဒီကမ်ပိန်းမှာ ဖယ်ခုံ-မိုးဗြဲ ဇုန်မှာရှိတဲ့ ပူးပေါင်း မဟာမိတ် အင်အားစုတွေဖြစ်တဲ့KNDF Pekhon Zone( B03,B11,B22)၊ PKPDF-1၊ PKPDF-2၊ MBPDF-1၊ MBPDF-2၊ URF၊ PKSPDF ဗျူဟာ(၂)၊ PDF(P3-1003,P3-1005,P3-1008,P3-1009,P3-1011) တို့ ပါဝင်တယ်လို့သိရပါတယ်။
မျှော်မှန်းရန်ပုံငွေ သိန်းတစ်သောင်း သတ်မှတ်ထားပြီး ကမ်ပိန်း ကာလကို နိုဝင်ဘာလ ၂၈ ကနေ လာမယ့်နှစ် ဇန်နဝါရီလ ၁၅ ရက်နေ့အထိ သတ်မှတ်ထားတယ်လို့ ကမ်ပိန်း တာဝန်ခံက ပြောပါတယ်။
‘၁၁၁၁ ကရင်နီ စစ်ဆင်ရေး’ အဖြစ် လွိုင်ကော်နဲ့ မိုးဗြဲမြို့တွေကို တော်လှန်ရေး အင်အားစုတွေ ပူးပေါင်း တိုက်ခိုက်နေတာ ဖြစ်ပါတယ်။
MK-007
#MeKongNews
#ဖယ်ခုံ_မိုးဗြဲ
#ကရင်နီတံခါး