မဲခေါင် ၊ ဇန်နဝါရီ ၂၄

ရှမ်းပြည်နယ်တောင်ပိုင်း၊ အင်းလေးကန် ဒေသရှိ နိုင်ငံရေးနဲ့ တော်လှန်ရေးအင်အားစုတွေ ပူးပေါင်းပြီး အင်းလေးအတိုင်ပင်ခံကောင်စီဖွဲ့စည်းနိုင်ရေး ကြိုးစားလုပ်ဆောင်နေတယ်လို့ အင်းလေးအမျိုးသမီးသမဂ္ဂ တာဝန်ရှိသူ တစ်ဦးက ပြောပါတယ်။

`ကျွန်မတို့ အင်းလေးဒေသရဲ့ အနာဂတ်အရေးအတွက် လက်ရှိမှာ အင်းလေးပြည်သူ့ကာကွယ်ရေးတပ်(IPDF)၊ အင်းလေးဖက်ဒရယ်ဒီမိုကရေစီလှုပ်ရှားမှု (IFDM)၊ အင်းလေးအမျိုးသမီးသမဂ္ဂ (IWU)နဲ့အတူ အင်းလေးဒေသမှာ မှီတင်းနေထိုင်တဲ့ လူမျိုးပေါင်းစုံ စုစည်းပြီးလုပ်ဆောင်လျက်ရှိပါတယ်။

‘ကျန်ရှိနေသေးတဲ့ တော်လှန်ရေး အင်အားစုတွေကို စုစည်းပြီး အင်းလေးအတိုင်ပင်ခံကောင်စီကို ဖွဲ့စည်းသွားမှာ ဖြစ်ပါတယ်၊။ အင်းလေးဒေသမှာ နေထိုင်တဲ့ ဘာသာပေါင်းစုံ၊ လူမျိုးပေါင်းစုံရဲ့ အေးချမ်းတဲ့ လူမှုဘဝ၊ တရားမှတမှုနဲ့ လူ့အခွင့်အရေးတွေ အပြည့်အဝရှိစေရန်နဲ့စစ်မှန်တဲ့ဖက်ဒရယ် ဒီမိုကရေစီ နိုင်ငံတော်အတွက် တစ်တပ်တစ်အား ကြိုးစားလုပ်ဆောင်ဖို့ တော်လှန်ရေးအင်အားစုအားလုံးကို စုစည်းပြီး `အင်းလေးအတိုင်ပင်ခံကောင်စီ“ ပေါ်ပေါက်လာအောင်လုပ်ဆောင်ကြမှာ ဖြစ်တယ်လို့ အင်းလေးအမျိုးသမီးသမဂ္ဂရဲ့ ဒုတိယဥက္ကဌ မိခင်လေးက မဲခေါင်သတင်းဌာနကို ပြောကြားပါတယ်။

မနေ့က ရက်စွဲနဲ့ ထုတ်ပြန်တဲ့ အင်းလေးလူထုလှုပ်ရှားမှုအဖွဲ့ရဲ့ထုတ်ပြန်ချက်မှာလည်း အင်းလေးဒေသအတွင်းမှာရှိတဲ့ စစ်အာဏာရှင်ဆန့်ကျင်ရေးအင်အားစုများကို စုစည်း၍ အနာဂတ် အင်းလေးဒေသအရေးနဲ့ ပြည်ထောင်စုအရေးအရာ ကိစ္စများကို ဦးစီးဦးဆောင်ပြုနိုင်သည့် အင်းလေးအတိုင်ပင်ခံကောင်စီပေါ်ပေါက်ရေး ဆက်လက်ဆောင်ရွက်သွားမည်ဟု အသိပေးအပ်ပါသည်လို့ ပါရှိထားပါတယ်။

လက်ရှိတွင် အမှတ် ၁၀၀၉ အင်းလေးပြည်သူ့ကာကွယ်ရေးတပ်(IPDF)၊ အင်းလေးဖက်ဒရယ်ဒီမိုကရေစီလှုပ်ရှားမှု(IFDM)၊ အင်းလေးအမျိုး သမီး သမဂ္ဂ (IWU) နဲ့အတူ IPRD)၊ အင်းလေးထိုးဖောက်တိုက်ခိုက်ရေးအထူူးအဖွဲ့(ဓါးမကူး)၊ အင်းလေးလူထုလှုပ်ရှားမှုအဖွဲ့(Voice of Inle)၊ လူထုအတွက်တရားမျှတမှုဆောင်ရွက်ရေးအဖဖွဲ့-အင်းလေး(Justice Movement for Community-Inllay) စတဲ့ အဖွဲ့အစည်းများက အင်းလေးဒေသအတွက်တော်လှန်တိုက်ပွဲဝင် ထောက်ပံ့ကူညီပေးနေကြတယ်လို့ သိရပါတယ်။

MK – 012

#MeKongNews

#အင်းလေး

#အတိုင်ပင်ခံ

#ကောင်စီ

#ဖွဲ့စည်း

#လုပ်ဆောင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)