မဲခေါင်၊ ဧပြီ ၁၁
စစ်ကောင်စီနောက်ဆုံး စခန်းဖြစ်တဲ့ ၂၇၅ တပ် ကျသွားပြီးနောက် ဧပြီ ၁၁ ရက် မွန်လွဲပိုင်းမှာ မြ၀တီမြို့ပေါ် KNLA၊ KNA၊ DKBA နဲ့ PDF တပ်တွေ ကင်းလှည့်နေပြီး ဘတ်တံဆိပ်ပေါင်းစုံနဲ့ ကင်းလှည့်နေတဲ့ အဖွဲ့တွေထဲမှာ မိန်းကလေး စစ်သည်တွေပါ ပါဝင်နေပါတယ်။
နေ့လည် ၁၂ နာရီအချိန်မှာ ကင်းလှည့်နေတာဖြစ်ပြီး အမှတ် (၂)ချစ်ကြည်ရေးတံတားဝန်းထဲမှာတော့ ၂၇၅ တပ် က ထွက်ပြေးပြီး ထိုင်းဘက်ကူးဖို့ စောင့်ဆိုင်းနေတဲ့ စစ်ကောင်စီတပ်သား ၁၀၀ ဝန်းကျင် ရှိနေဆဲဖြစ်ပါတယ်။
အရင်က မြ၀တီမြို့ထဲမှာ KNA/BGF တပ်တွေသာ ပုံမှန် ကင်းလှည့်နေခဲ့ပေမယ့် ဒီကနေမှာတော့ တပ်ပေါင်းစုံ ပူပေါင်းကင်းလှည့်ရာမှာ ယူနီဖောင်းစုံ၊ ဘတ်တံဆိပ်စုံနဲ့ တော်လှန်ရေးပူးပေါင်းတပ်တွေပါ ကင်းလှည့်လာသလို အမျိုးသမီးစစ်သည်တွေပါတဲ့ ကားတွေနဲ့ပါ ကင်းလှည့်တာဖြစ်ကြောင်း ထိုင်း The Reporters သတင်းဌာနက ရေးသားတင်ဆက်သွားပါတယ်။
The Reporters က ဖေ့စ်ဘုတ်မှာ တင်ဆက်တဲ့ ဒီသတင်းအပေါ် ထိုင်းနိုင်ငံသားတွေကလည်း ဝမ်းသားအားရ ကြိုဆိုအားပေးကြောင်း Comment များမှာ တွေ့ရှိရပါတယ်။
Ref:The Reporter
Photo- the Reoprters
MKF-001