မဲခေါင်၊ ဖေဖော်ဝါရီ ၂၇

ကရင်အမျိုးသားအစည်းအရုံး (KNU) တပ်မဟာ ၅ ထိန်းချုပ်နယ်မြေ၊ ဖာပွန်ခရိုင်အတွင်းမှ စစ်ကောင်စီစခန်းတစ်ခု ဖေဖော်ဝါရီ ၂၅ ရက်နေ့မှာ ဆုတ်ခွာသွားတယ်လို့ KNU မူတြော်ခရိုင်က ထုတ်ပြန်ပါတယ်။

KNLA က စစ်ကောင်စီစခန်းတွေကို ဘက်ပေါင်းစုံက တိုက်ခိုက်နေတာကြောင့် ခမရ-၃၄၉ တပ်အခြေချရာ ဗျူဟာစခန်းဖြစ်တဲ့ မော်ဖူးတပ်စခန်းကို စွန့်ခွာပြီး ကူခိုတပ်စခန်းကို နောက်ဆုတ်ပြီး သွားပူးပေါင်းတယ်လို့ ဆိုပါတယ်။

အဲ့ဒီ့စစ်ကောင်စီစွန့်သွားတဲ့ မော်ဖူးစခန်းဟာ ၁၉၉၇ ခုနှစ်ကနေ ယခုထိ ၂၇ နှစ်ကြာတပ်စွဲထားတဲ့ စစ်ကောင်စီစခန်းဖြစ်ပါတယ်။

KNLA က ပိတ်ဆို့တိုက်ခိုက်တာကြောင့် တပ်မဟာ ၅ ထိန်းချုပ်နယ်မြေအတွင်းမှ စစ်ကောင်စီစခန်းတွေ နောက်တစ်ဆင့်ဆုတ်ပြီး အထိုင်တပ်တွေနဲ့ သွားရောက်ပူးပေါင်းတာတွေ ရှိနေပါတယ်။

စစ်ကောင်စီက စွန့်ခွာသွားတဲ့ မော်ဖူးစခန်းဟာ ဖေဖော်ဝါရီ ၁၀ နဲ့ ၁၁ ရက်နေ့တွေမှာ လယ်ကလေးကျိုးနဲ့ ကျူလူစခန်းတွေက ထွက်ပြေးလာတဲ့ စစ်ကောင်စီတပ်သားတွေနဲ့ ပူးပေါင်းထားတဲ့ စခန်းဖြစ်ပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)