မဲခေါင်၊ ဧပြီ ၅
ရှမ်းပြည်တောင်ပိုင်း၊ ဆီဆိုင်မြို့နယ်က PNLA တပ်ဖွဲ့ တွေထိန်းချုပ်ထားတဲ့ လွတ်ပွတ်ရွာနဲ့ ပင်တရားကျေးရွာတွေမှာ စစ်ကောင်စီ၊ ပြည်သူ့စစ်နဲ့ တိုက်ပွဲတွေ ပြင်းထန်နေတယ်လို့ ဒေသတွင်း သတင်းရင်းမြစ်တွေက ပြောပါတယ်။
အဆိုပါ လွတ်ပွတ်ကျေးရွာနဲ့ ပင်တရားကျေးရွာကတပ်ရင်းမှူး နေဝင်းထွန်း ဦးဆောင်တဲ့ PNA တပ်ရင်း ၄နဲ့ ပအိုဝ်းအမျိုးသားလွတ်မြောက်ရေးတပ်မတော် (PNLA)နဲ့ PDF မဟာမိတ်အဖွဲ့တို့ ဧပြီလ ၃ ရက်နေ့ ဧပြီလ ၄ရက်နေ့လည် ပိုင်းအထိတိုက်ပွဲဖြစ်ပွားခဲ့တာလို့ သိရပါတယ်။
ပြည်သူ့စစ်အဖွဲ့က အဲ့ဒီရွာတွေကို အကျအဆုံးများစွာနဲ့ ပြန်လည်ထိန်းချုပ်နိုင်ခဲ့တယ်လို့ ဆိုပါတယ်။ တိုက်ပွဲသတင်းနဲ့ပတ်သက်ပြီး PNLA ဘက်က သတင်းထုတ်ပြန်ထားတာ မရှိသေးပါဘူး။
လွတ်ပွတ်ကျေးရွာဟာ ဆီဆိုင်မြို့ရဲ့အရှေ့မြောက်ဘက် ၁၅ မိုင်ခန့်အကွာမှာရှိပြီး PNLA နဲ့ PDF မဟာမိတ်တွေအတွက် အရေးကြီးတဲ့ ထောက်ပို့လမ်းကြောင်း တစ်နေရာဖြစ်ကြောင်း ဒေသသတင်းအရင်းမြစ်တွေထံက သိရပါတယ်။
ဆီဆိုင်မြို့မှာလည်း ယမန်နေ့ ဧပြီ ၄ ရက်ညက လက်နက်ကြီးကျည်တွေ ပြန်လည်ပစ်ခတ်နေပြီး မြို့ပြန်မယ့်သူတွေအတွက် စိတ်မချရတဲ့ အနေအထားဖြစ်နေပါတယ်။
လက်ရှိမှာ ဆိုက်ခေါင်ရွာ အထိုင်ချ အမြောက် ၂ လက်ကို ဆီဆိုင်ဘက်ရွှေ့လာပြီး ဆီဆိုင်က တင့်ကားနဲ့သံချပ်ကာကားတွေ ဖယ်ခုံဘက် ရွှေ့နေတယ်လို့ မြေပြင်သတင်းတွေအရ သိရပါတယ်။
MK-012