မဲခေါင်၊ ဧပြီ ၁၇
ဘိတ်−ထားဝယ်ခရိုင်အတွင်း စစ်ကောင်စီ ခလရ−၁၀၃ တပ်ရင်းမှ တပ်ရင်းမှူး ဒုဗိုလ်မှူးကြီး အောင်ဟိန်းအပါအဝင် စစ်ကောင်စီတပ်ဖွဲ့ဝင် (၄၈)ဦး လက်နက်ချအညံ့ခံခဲ့ပြီး လက်နက်ကြီးလက်နက်ငယ် (၆၇) လက်သိမ်းမိခဲ့တယ်လို့ ကရင်အမျိုးသားအစည်းအရုံး (KNU) က ဒီနေ့ ဧပြီ ၁၆ မှာ သတင်းထုတ်ပြန်ပါတယ်။
ခလရ−၁၀၃ တပ်ရင်းဟာ စခန်းအားစွန့်ခွာပြီး ထီးထာ့ဗျူဟာကို ပူးပေါင်းရန်လာစဥ် ကရင်အမျိုးသားလွတ်မြောက်ရေးတပ်မတော် (K.N.L.A) တပ်မဟာ အမှတ် (၄) က ဧပြီလ (၁၅) ရက်နေ့မှာ ကြားဖြတ်တိုက်ခိုက်ခဲ့လို့ စစ်ကောင်စီတပ်မှ (၆) ဦးခန့်သေဆုံးခဲ့ပြီးနောက် ကျန်တပ်ဖွဲ့ဝင်များ လက်နက်ချ အညံ့ခံခဲ့ခြင်းဖြစ်ပါတယ်။
လက်နက်ချအညံ့ခံလာသော ခလရ (၁၀၃) တပ်ရင်းမှ တပ်ရင်းမှူး ဒုဗိုလ်မှူးကြီး အောင်ဟိန်းအပါအဝင် စစ်ကောင်စီတပ်ဖွဲ့ဝင် (၄၈) ဦးကို နိုင်ငံတကာ လက်နက်ချခြင်းဆိုင်ရာ ဥပဒေများနှင့်အညီထိန်းသိမ်း စောင့်ရှောက်ထားတယ်လို့ KNU က ထုတ်ပြန်ထားပါတယ်။