မဲခေါင်၊ မတ် ၈
မတ် ၃ ရက်နေ့ကစလို့ ကိုရီးယားကျွန်းဆွယ်မှာ တောင်ကိုရီးယားနဲ့ အမေရိကန်တို့ ၁၁ ရက်ကြာ ပူးပေါင်းစစ်ရေး လေ့ကျင့်မှုလုပ်ဆောင်နေချိန် စစ်ရေးအရ တုံ့ပြန်သွားရမယ်လို့ ဒီရက်ပိုင်းထဲ ပြောဆိုထားတဲ့ မြောက်ကိုရီးယား ခေါင်းဆောင် ကင်ဂျုံအန်ဟာ မတ် ၇ ရက်နေ့မှာ နိုင်ငံအနောက်ပိုင်းအခြေစိုက် စစ်စခန်းကို သွားရောက် စစ်ဆေး စဉ် အလုံးစုံစစ်ပွဲအတွက် အသင့်အနေအထားပြင်ဆင်ထားဖို့နဲ့ တကယ့်စစ်ပွဲကြီးတိုက်နေရသလို ပြင်းပြင်းထန် ထန်လေ့ကျင့်မှုမြှင့်တင်ဖို့ မှာကြားခဲ့ပါတယ်။
မြောက်ကိုရီးယားနိုင်ငံပိုင်မီဒီယာ KCNA မှာ ကင်ဂျုံအန်ရဲ့ အာဘော်ကို ဖော်ပြခဲ့ရာမှာတော့ “ရန်သူအပေါ် တကယ့် တိုက်ခိုက်နိုင်စွမ်း ဘယ်လောက်အထိရှိသလဲဆိုတာကို စစ်ပွဲအသွင်းသဘောထားလို့ အပြင်းအထန် လေ့ကျင့်ပြင်ဆင်ကြပါ။ ရန်သူရဲ့ မဆိုသလောက်သော ရန်စလာမှုကနေ စစ်ဖြစ်ပွားရင် အားလုံးအသင့်ဖြစ်နေစေ ဖို့ တပ်တွင်း ရာထူးအလိုက် တာဝန်ရှိသူအားလုံး အသင့်ပြင်ထားကြပါ”လို့ ကင်ဂျုံအန်က အမှာစကားပြော ခဲ့ကြောင်း ရေးသားဖော်ပြခဲ့တာဖြစ်ပါတယ်။
ဒီခရီးစဉ်မှာ ကင်ဂျုံအန်နဲ့အတူ မြောက်ကိုရီးယား ကာကွယ်ရေးဝန်ကြီး ကန်ဆန်နမ်၊ ကိုရီးယားပြည်သူ့တပ်မ တော် တပ်ချုပ် ဗိုလ်ချုပ်ကြီး ရီယောင်ဂီလ်တို့လည်း လိုက်ပါခဲ့ပြီး လေ့ကျင့်ပြင်ဆင်မှုတွေကို မှန်ပြောင်းနဲ့ လေ့လာကြည့်ရှုသလို စစ်သည်တွေနဲ့ အတူ ဓာတ်ပုံရိုက်ကူးမှုတွေလည်း ပြုလုပ်ခဲ့ပါတယ်။
Ref: mehrnews
MKF-001
