စစ်သားတစ်ဦးအရပ်ဝတ်နဲ့ ပြန်လာစဥ်လက်ကိုင်ဖုန်းနဲ့ ငွေကြေတချို့လုယက်ခံရပြီးနောက် စစ်ကောင်စီတပ်ကကင်းပုန်းဝတ်ကာ ဒီဇင်ဘာ၂၃ရက်ည၁၀နာရီကျော်အချိန်မှာ ဖမ်းဆီးရမိခဲ့တာဖြစ််လို့ဒေသခံတစ်ဦးက ပြောပါတယ်။

သူတို့ခြောက်ယောက်ထဲမှာ ဦးဆောင်နေတဲ့ တစ်ယောက်က ရဲတပ်ကြပ်ကြီး အောင်ကျော်ဦးကခေါင်းဆောင်လုပ်တာ။ ဖမ်းမိတာကလည်း သူတို့စစ်သားကိုအရပ်ဝတ်နဲ့ဆိုတော့ ပြည်သူဆိုပြီးလုတာ။ စစ်သားကကင်းစခန်းရောက်တော့ ပြန်တိုင်လို့ ကင်းပုန်းဝတ်ပြီးဖမ်းတာ။ လုယက်မှုတွေဖြစ်နေတာကြာပြီ။ သူတို့စစ်ခွေးခံရတော့မှဖမ်းတာ။ လုပ်တဲ့ကောင်တွေကလည်း ရဲပြုတ်တွေ 

လို့ မျက်မြင်တွေ့သူတစ်ဦးကပြောပါတယ်။

စစ်ကောင်စီ က လာရောက်ဖမ်းဆီး စဥ်” ငါတို့ကရဲတွေကွ” လို့ ပြန်လည်​ဖြေကြားခဲ့ပြီး စစ်ဆေးမေးမြန်းရာမှာ တာဝန်ထမ်းဆောင်မှု မရှိတော့တဲ့ ရဲတွေ ဖြစ်နေတဲ့အတွက် လုယက်မှုကျူးလွန်သူအမျိုးသား ၆ ဦးကို မင်္ဂလာဒုံမြို့မရဲစခန်း ကိုဖမ်းဆီးသွားတယ်လို့ ဒေသခံတစ်ဦးက ပြောပါတယ်။

မင်္ဂလာဒုံ ရဲစခန်းကို ဖုန်းနဲ့ဆက်သွယ်မေးမြန်းရာမှာ လုယက်မှုကျူးလွန်သူတွေကို ဖမ်းဆီးရမိထားပေမယ့် ရဲတပ်ဖွဲ့ဝင်ဟောင်းတွေ ဟုတ်မဟုတ် ဆိုတာကိုတော့ မပြောနိုင်ဘူးလို့ တာဝန်ကျရဲအရာရှိတစ်ဦးက ဖြေကြားပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)