မဲခေါင်၊ မတ် ၅
ကရင်ပြည်နယ် Unity PDF တပ်ခွဲက ရဲဘော် ၃၉ ဦးဟာ ဗိုလ်စလုံးဦးဆောင်တဲ့ ဆင်ဖြူစစ်ကြောင်းကနေ နှုတ်ထွက်သွားပြီး ဗိုလ်ချုပ်စောနယ်ဒါးမြထံ ခိုလှုံသွားတယ်လို့သိရပါတယ်။
ဆင်ဖြူစစ်ကြောင်းကို ဦးစီးနေတဲ့ ဗိုလ်စလုံးနဲ့ အဆိုပါရဲဘော် ၃၉ ဦးဟာ သဘောထားချင်းမတိုက်ဆိုင်တော့တာကြောင့် စစ်ကြောင်းကနေနှုတ်ထွက်သွားတာဖြစ်တယ်လို့ ဆိုပါတယ်။
ဆင်ဖြူစစ်ကြောင်းကနေ နှုတ်ထွက်ခဲ့ပေမဲ့ တော်လှန်ရေးတိုက်ပွဲတွေဆက်တိုက်လိုတာကြောင့် ကော်သူးလေ တပ်မတော် စစ်ဦးစီးချုပ် ထံခိုလှုံတာဖြစ်ကြောင်း ရဲဘော် ၃၉ ဦးက သူတို့ လက်မှတ်ရေးထိုးထားတဲ့စာနဲ့ အတူ အသိပေးထုတ်ပြန်ခဲ့ပါတယ်။
ဗိုလ်ချုပ်စောနယ်ဒါးမြ က အရင်က ကရင်အမျိုးသားကာကွယ်ရေးတပ်မတော်- KNDOကစစ်ဦးစီးချုပ်ဖြစ်ကာစစ်ကောင်စီနဲ့ NCAစာချုပ်ရေးထိုးထားတဲ့ KNDOကနေအထုတ်ပယ်ခံရပြီးနောက် ကော်သူးလေတပ်မတော်ကို တည်ထောင်ကာ စစ်ကောင်စီကို တိုက်ခိုက်နေတာပါ။
MK-007
#MeKongNews
#ကော်သူးလေတပ်မတော် #စောနယ်ဒါးမြ
