မြန်မာနိုင်ငံရဲ့ကရင်ပြည်နယ်၊ မြဝတီခရိုင်က ရွှေကုက္ကိုတရုတ်လောင်းကစားမြို့ကနေလုပ်ငန်းလည်ပတ်နေတဲ့တရုတ်ကုမ္မဏီတွေအကျဉ်းချခံထားရတဲ့ အိန္ဒိယနိုင်ငံသား ၃၈ ယောက်ကို ကယ်ဆယ်ဖို့ ရန်ကုန်မြို့မှာရှိတဲ့အိန္ဒိယသံရုံးက စီမံနိုင်ခဲ့ပါတယ်။
တရုတ်အလုပ်ရှင်တွေနဲ့ အိန္ဒိယနဲ့ဒူဘိုင်းမှာရှိတဲ့ ကိုယ်စားလှယ်တွေက နည်းပညာရှင်တွေကို အွန်လိုင်းအရောင်းမြှင့်တင်ရေးနာမည်နဲ့ အရှေ့တောင်အာရှနဲ့ အိန္ဒိယတိုက်ငယ်ကရိုးသားတဲ့ဒေသခံတွေကို ငါးစာချဆွဲဆောင်လူစုခဲ့ပြီး ၂၀၂၂ ခုနှစ်၊ မေလမှာ မြဝတီကိုတရားမဝင်ရောက်ခဲ့ပြီးနောက်ပိုင်း သူတို့ကို လိမ်လည်တဲ့လုပ်ငန်းတွေမှာပါဝင်ဖို့ အတင်းတွန်းအားပေးခံနေရပါတယ်။
တရုတ်လုပ်ငန်းရှင်တွေရဲ့ လူကုန်ကူးဖို့ကြိုးစားမှုကို ထိန်းချုပ်ဖို့ ပူးပေါင်းဆောင်ရွက်မှုနဲ့ ထောက်ပံ့ကူညီမှုတို့ကို မြန်မာလူဝင်မှုကြီးကြပ်ရေးနဲ့ တခြားဌာနတွေက ချဲ့ထွင်ခဲ့ပြီး ဒီလုပ်ရပ်ကြောင့် အိန္ဒိယနိုင်ငံသား ၃၈ ယောက် အိမ်ကို ဘေးကင်းကင်းနဲ့ပြန်နိုင်ခဲ့ပါတယ်။
အခုနှစ်ဇွန်လကစပြီး မြဝတီမှာပိတ်မိနေတဲ့အိန္ဒိယနိုင်ငံတွေအရေး ရန်ကုန်မြို့က အိန္ဒိယသံရုံးနဲ့ မန္တလေးမြို့က အိန္ဒိယကောင်စစ်ဝန်ရုံးတို့က လိုက်လံဆောင်ရွက်ခဲ့ပြီး မြဝတီဟာ ပဋိပက္ခဒေသမှာရှိနေပြီး ပိတ်မိနေသူတွေနဲ့ဆက်သွယ်ရခက်ခဲခဲ့ပေမဲ့ တရားဝင်၊ တရားမဝင်လမ်းကြောင်းတွေရဲ့အကူအညီနဲ့ ပိတ်မိနေသူတွေကို ကယ်ထုတ်နိုင်ခဲ့ပါတယ်။
DKBA က ဗိုလ်ချုပ်စောချစ်ကလည်း ရွှေကုက္ကိုမှာပိတ်မိနေတဲ့ အိန္ဒိယနဲ့ တခြားနိုင်ငံသားတွေအရေး သတိပြုမိပြီး သူတို့တွေ ထိုင်းဘက်က မဲဆောက်ဆီဖြတ်သန်းနိုင်ဖို့ ကူညီခဲ့ပါတယ်။ DKBA အဖွဲ့တွေက အိန္ဒိယနိုင်ငံသားတွေကို ကယ်ဆယ်ခဲ့ပြီး သူတို့တွေထိုင်းကို ဘေးကင်းကင်းနဲ့ဖြတ်သန်းနိုင်တဲ့အထိ အစားအစာနဲ့နေစရာတွေပေးခဲ့ပါတယ်။
တရုတ်ပြည်မကြီးမှာ အွန်လိုင်းကာစီနိုလုပ်ငန်းတွေကို လုပ်ကိုင်ခွင့်မပေးထားလို့ ပြည်မကြီးတရုတ်တွေက လိမ်လည်တဲ့လုပ်ငန်းတွေကို ရှမ်းပြည်နယ်နဲ့ ကရင်ပြည်နယ်တို့ကနေလုပ်ဆောင်နေတဲ့အပြင် ကွန်ပြူတာအခြေခံကျွမ်းကျင်တဲ့ လူငယ်အမျိုးသား၊ အမျိုးသမီးတွေကိုလည်း လိမ်လည်တဲ့လုပ်ငန်းတွေမှာပါဝင်လာဖို့ ဆွဲဆောင်နေပါတယ်။ သတ်မှတ်ရည်မှန်းချက်တွေပြည့်မီဖို့ လုပ်သားတွေကို မန်နေဂျာတရုတ်လူမျိုးတွေက နှိပ်စက်ကြပါသေးတယ်။
အလုပ်အကိုင်ကောင်းကောင်းရလိုသူတွေအနေနဲ့ အလားတူတရုတ်ကုမ္ပဏီတွေနဲ့ သူတို့ရဲ့ကိုယ်စားလှယ်တွေကို မိမိတို့နိုင်ငံမှာ သတိထားနေသင့်ပြီး အလုပ်ရှင်ရဲ့ယုံကြည်ရမှုနဲ့ အလုပ်ကမ်းလှမ်းမှုတို့အပေါ် စနစ်တကျ စုံစမ်းစစ်ဆေးသင့်ပါတယ်။